Genesis 8:20 - Yn Vible Casherick 1775 1819

²⁰ As hrog Noah altar da’n Chiarn, as ghow eh jeh dagh baagh glen, as jeh dagh eean glen, as heb eh ourallyn-losht er yn altar.

Genesis 8:20 ပူးပေါင်းရင်းမြစ်များ

Genesis 13:18

Eisht ren Abram e chabbane y scughey, as haink eh, as ren eh cummal ayns cheer rea Mamre, ta ayns Hebron, As ayns shen hrog eh altar gys y Chiarn.

Genesis 13:4

Gys yn ynnyd raad v’eh er droggal altar ec y toshiaght: as ayns shen ren Abram geamagh er ennym y Chiarn.

Genesis 22:2

As dooyrt eh, Gow nish dty vac, eer dty ynrycan vac Isaac, eh shynney lhiat, as fow royd gys cheer Moriah; as cheb eh ayns shen son oural-losht er unnane jeh ny sleityn neem’s y hoilshaghey dhyt.

Genesis 22:9

As haink ad gys y voayl va Jee er hoilshaghey da, as hrog Abraham altar ayns shen, as chiartee eh yn fuygh, as chiangle eh Isaac e vac, as hug eh ny lhie eh er y fuygh v’er yn altar.

Genesis 26:25

As hrog eh altar ayns shen, as deïe eh er ennym y Chiarn, as hoie eh e chabbane ayns shen; as shen y raad ren sharvaantyn Isaac chibbyr y chleiy.

Genesis 33:20

As hrog eh altar ayns shen, as denmys eh eh El-elohe-israel.

Genesis 35:1

As dooyrt Jee rish Jacob, Trog ort, gow seose gys Beth-el, as jean cummal ayns shen: as trog altar ayns shen, da Jee haink kionfenish dhyt, tra v’ou er-chea veih eddin Esau dty vraar.

Genesis 35:7

As hrog eh altar ayns shen, as denmys eh yn ynnyd El-beth-el: er-yn-oyr dy nee ayns shen hoilshee Jee eh-hene da, tra ren eh chea veih eddin e vraarey.

Genesis 4:4

As hug Abel lesh myrgeddin jeh toshiaght e hioltane, as y chooid s’riurey. As ren y Chiarn soiaghey jeh Abel as e oural.

Genesis 7:2

Jeh dagh baagh glen gowee oo hood shiaght piyryn, yn fyrryn as e woirryn: agh jeh ny beiyn neu-ghlen, daa phiyr, yn fyrryn as e woirryn.

Genesis 7:3

Jeh eeanlee yn aer myrgeddin shiaght piyryn, fyrryn as bwoirryn; dy reaylley ingan bio er slane eaghtyr y thallooin.

Genesis 8:19

Dy chooilley vaagh, dy chooilley nhee snauee, as dy chooilley eean, as cre-erbee ta snaue er y thalloo, lurg nyn geint, hie ad magh ass yn arg.

Lioar Yob 1:5

As myr shen ve, tra va laghyn y yien oc er n’gholl mygeayrt, dy dug Job fys orroo, as ren eh ad y chasherickey, as heb eh chebballyn-losht son dagh unnane jeu: son smooinee Job, Foddee eh ’ve dy vel my vec er n’yannoo peccah, as er yarrood Jee ayns nyn gree. Shoh myr ren Job dy kinjagh.

Exodus 10:25

As dooyrt Moses, Shegin dhyt myrgeddin cur dooin ourallyn as chebballyn-losht, dy vod mayd ouralley gys y Chiarn y Jee ain.

Exodus 29:18

As nee oo lostey yn slane rea er yn altar; oural-losht eh gys y Chiarn; te ny hoar millish, ny oural chebbit lesh aile gys y Chiarn.

Exodus 29:25

As nee oo ad y ghoaill veih nyn laueyn, as lostey ad er yn altar, son oural-losht, son soar millish kiongoyrt rish y Chiarn: te oural jeant lesh aile gys y Chiarn.

Earrooyn 7:21

Un dow aeg, un rea, un eayn jeh’n vleïn shen, son oural-losht:

Romanee 12:1

Ta mee guee erriu er-y-fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Hebrewnee 13:10

Ta altar ain nagh vel cairys ocsyn dy ee jeh, ta shirveish yn cabbane-agglish.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh: