Genesis 8:14 - Yn Vible Casherick 1775 1819

¹⁴ As ayns y nah vee, er y chiaghtoo laa as feed jeh’n vee va’n thalloo er jyrmaghey.

Genesis 8:14 ပူးပေါင်းရင်းမြစ်များ

Genesis 7:11

As ’sy cheyoo cheead vleïn jeh eash Noah, ’sy nah vee, er y chiaghtoo laa yeig jeh’n vee, er y laa cheddin va ooilley undinyn y diunid vooar er nyn mrishey seose, as va uinniagyn yn aer foshlit.

Genesis 8:13

As haink eh gy-kione ’sy cheyoo cheead as un vleïn, ayns y chied vee, er y chied laa jeh’n vee, dy row ny ushtaghyn er draie jeh’n thalloo: as scugh Noah yn coodagh jeh’n arg, as yeeagh eh magh, as Cur-my-ner, va eaghtyr y thalloo er jeet rish.

Genesis 8:15

As loayr Jee rish Noah, gra.

2 Reeaghyn 25:27

Haink eh gy-kione ayns y chiaghtoo vleïn jeig as feed jeh cappeeys Jehoiachin ree Yudah, ayns y nah vee yeig, er y chiaghtoo laa as feed jeh’n vee, dy ren Evil-merodach, ree Vabylon, ayns y chied vleïn jeh e reill, kione Jehoiachin ree Yudah y hroggal seose ass pryssoon;

Ezekiel 29:17

As haink eh gy-kione ayns y chiaghtoo vleïn as feed, ayns y chied vee, er y chied laa jeh’n vee, haink goo yn Chiarn hym’s, gra,