Genesis 8:1 - Yn Vible Casherick 1775 1819

¹ As chooinee Jee er Noah, as er dagh cretoor bio, as er ooilley yn maase va mârish ’syn arg: as hug Jee er geay dy heidey harrish y thalloo, as ren ny ushtaghyn sloateil.

Genesis 8:1 ပူးပေါင်းရင်းမြစ်များ

Genesis 19:29

As haink eh gy-kione, lurg da Jee v’er stroie ard-valjyn yn cheer rea, dy chooinee Jee er Abraham, as hug eh Lot magh ass mean y traartys, tra stroie eh ny ard-valjyn raad va Lot cummal.

Genesis 30:22

As chooinee Jee er Rachel, as ren Jee clashtyn r’ee, as haink ee dy ve messoil.

Genesis 9:10

As rish dagh cretoor bio ta mêriu, jeh ny eeanlee, jeh yn ollagh, as jeh ooilley beiyn y thallooin mêriu, veih ooilley ny ta goll magh ass yn arg, gys ooilley beiyn y thallooin.

Nehemiah 13:14

Cooinee orrym, O my Yee, mychione shoh, as ny chur ass dty hilley ny obbraghyn mie ta mee er n’yannoo son thie my Yee, as son y chirveish echey.

Nehemiah 13:22

As doardee mee ny Leviteyn, dy heet ayns coamrey glen, son arrey ny giattyn, dy voddagh yn doonaght ve freilt casherick. Cooinee orrym, O my Yee, mychione shoh myrgeddin, as ymmyrk lhiam cordail rish mooadys dty vyghin.

Nehemiah 13:29

Cooinee orroo, O my Yee, er-yn-oyr dy vel ad er neu-chasherickey oik y taggyrtys, as conaant y taggyrtys, as ny Leviteyn.

Nehemiah 13:31

As dy ghoaill kiarail son yn oural-fuygh ec earishyn pointit, as son ny chied-vessyn. Cooinee orrym, O my Yee, son mie.

Lioar Yob 12:15

Cur-my-ner, t’eh lhiettal ny ushtaghyn, as t’ad chyrmit seose; myrgeddin t’eh lhiggey’n raad daue, as t’ad lhieeney harrish y thalloo.

Lioar Yob 14:13

Oh dy jinnagh oo m’y ollaghey ’syn oaie, dy jinnagh oo m’y reayll gy-follit, derrey ragh dty yymmoose shaghey, dy jinnagh oo traa er-lheh y phointeil er my hon, as cooinaghtyn orrym!

Psalmyn 105:42

As hug eh lesh magh e phobble lesh boggey: as e chloan reiht lesh gennallys;

Psalmyn 106:4

Cooinee orrym, O Hiarn, cordail rish y foayr shen t’ou d’ymmyrkey gys dty phobble: O jeeagh orrym’s lesh dty haualtys.

Psalmyn 115:12

Ta’n Chiarn er chooinaghtyn orrin, as bannee eh shin: dy jarroo nee eh thie Israel y vannaghey, nee eh bannaghey thie Aaron.

Psalmyn 132:1

Hiarn, cooinee er David: as ooilley e heaghyn.

Psalmyn 136:23

Ren cooinaghtyn orrin tra va shin ayns seaghyn: son ta e vyghin farraghtyn son dy bragh;

Psalmyn 137:7

Cooinee er cloan Edom, O Hiarn, ayns laa Yerusalem: kys dooyrt ad, Sheese lesh, sheese lesh, corrym rish y thalloo.

Psalmyn 29:10

Ver y Chiarn niart da e phobble: ver y Chiarn da e phobble yn bannaght dy hee.

Psalmyn 36:6

Ta dty chairys shassoo myr ny sleityn ard: ta dty vriwnyssyn goll-rish y diunid vooar.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Exodus 15:10

Lesh dty gheay ren oo sheidey; ren y faarkey nyn goodaghey: ren ad sinkeil myr leoaie ayns ny ushtaghyn stermagh.

Exodus 2:24

As cheayll Jee nyn osnaghyn, as chooinee Jee er e chonaant rish Abraham, rish Isaac, as rish Jacob.

Raaghyn Creeney 25:23

Ta’n gheay-twoaie cur lesh chiarrey; myr shen ta eddin fargagh cur ny host yn chengey chooyl-chassee.

Isaiah 44:27

Ta gra rish y diunid, Bee er dty hyrmaghey, as chyrmee-yms seose dty awinyn;

Jeremiah 50:38

Ta’n cliwe er ny ushtaghyn eck; as bee ad chyrmit seose: son te cheer dy yallooyn grainnit, as t’ad er-rouyl son ny jallooyn oc.

Amos 8:7

Ta’n Chiarn er vreearrey liorish ooashley Yacob, Son shickyrys cha jarrood-ym dy bragh veg jeh ny obbraghyn oc.

Jonah 4:11

As nagh lhisin’s sparail Nineveh yn ard-valley mooar shen, ayn ta ny smoo na shey-feed thousane persoon, nagh vel fys oc er nyn laue yesh shaghey nyn laue chiare, as myrgeddin ymmodee maase?

Nahum 1:4

T’eh coyrt oghsan da’n vooir, as jannoo eh chirrym, as chyrmaghey seose ooilley ny awinyn: ta Bashan shymley ersooyl, as Carmel, as ta blaa Lebanon fioghey.

Habakkuk 3:2

O Hiarn, ta mee er chlashtyn dty choraa, as va aggle orrym: O Hiarn, jean dty obbyr y aa-vioghey ayns mean ny bleeantyn, jean soilshaghey; ayns dty yymmoose smooinee er myghin.

Zechariah 10:11

As hed eh trooid yn aarkey lesh seaghyn, as bwoaillee eh tonnyn ny marrey, as nee ooilley diunidyn yn awin chyrmagh: as bee moyrn Assyria er ny injillaghey, as bee lorg-reill Egypt er ny scughey.

Earrooyn 10:9

As my hed shiu gys caggey ayns y cheer eu hene, noi’n noid ta jannoo tranlaase erriu, eisht nee shiu sheidey larm-caggee lesh ny trumpetyn; as nee’n Chiarn y Jee eu cooinaghtyn erriu, as bee shiu er nyn sauail veih nyn noidyn.

Earrooyn 22:32

As dooyrt ainle y Chiarn rish, Cre’n-oyr t’ou er woalley dty assyl ny three keayrtyn shoh? cur-my-ner, hie mish magh dy hassoo dt’oï, son dy vel dty raad camlaagagh ayns my hilley:

Ashlish 16:19

As va’n ard-valley mooar scart ayns three ayrnyn, as va ard-valjyn ny Hashoonee er nyn lhieggal: as haink ard-valley mooar Vabylon ayns cooinaghtyn fenish Yee, dy choyrt jee yn cappan feeyney jeh dewilys e yymmoose.

Ashlish 18:5

Son ta e peccaghyn er roshtyn gys niau, as ta Jee er chooinaghtyn er y vee-chairys eck.

1 Samuel 1:19

As dirree ad seose dy moghey, as hug ad ooashley kiongoyrt rish y Chiarn, as hyndaa ad, as haink ad gys nyn dhie hene ayns Ramah: as ren Elkanah gerjaghey Hannah e ven, as chooinee’n Chiarn urree.