Genesis 7:9 - Yn Vible Casherick 1775 1819

⁹ Hie stiagh gys Noah ayns yn arg, jees as jees, fyrrynagh as bwoirrynagh; myr va Jee er choyrt currym er Noah.

Genesis 7:9 ပူးပေါင်းရင်းမြစ်များ

Genesis 2:19

As jeh’n ooir chroo yn Chiarn Jee ooilley beiyn y vagher as ooilley eeanlee yn aer, as hug eh lesh ad gys Adam, dasyn dy choyrt ennym orroo: as cre-erbee yn ennym hug Adam er dagh cretoor bio, shen va’n ennym echey.

Genesis 6:22

Myr shoh ren Noah: cordail rish ooilley ny va Jee er harey da, myr shen ren eh.

Genesis 7:10

As haink eh gy-kione, lurg shiaght laa dy row ushtaghyn y thooilley er y thalloo.

Genesis 7:15

As hie ad stiagh gys Noah ayns yn arg, jees as jees, jeh dy chooilley eill, ayn ta ennal y vea.

Genesis 7:16

As adsyn hie stiagh, hie ad stiagh fyrryn as bwoirryn, jeh dy chooilley eill, myr va Jee er n’oardaghey da; as ren y Chiarn eh y yeigh stiagh.

Genesis 7:8

Jeh ny beiyn glen, as jeh ny beiyn neu-ghlen, as jeh ny eeanlee, as jeh dy chooilley nhee ta snaue er y thalloo,

Isaiah 65:25

Nee yn moddey-oaldey as yn eayn gyndyr cooidjagh, as nee yn lion gee coonlagh myr dow: as joan vees beaghey yn ard-nieu. Cha jean ad skielley ny aggair ayns ooilley my lieau’s casherick, ta’n Chiarn dy ghra.

Jeremiah 8:7

S’feer eh, dy vel y stork ’syn aer goaill baght jeh ny imbaghyn dooghyssagh; as ta’n turtle, as y choar, as gollan-geayee, freayll gys y traa t’ad ry-hoi cheet; agh cha vel my phobble’s cur veg y gheill da briwnys y Chiarn.

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh; son ta shiu ooilley unnane ayns Creest Yeesey.

Colossianee 3:11

Mârishyn cha vel edyr Greek ny Hew, giarey-chymmylt ny an-ghiarey-chymmylt, Barbarian, Scythian, sharvaant ny seyr: agh ta Creest ooilley, as ayns ooilley.