Genesis 7:5 - Yn Vible Casherick 1775 1819

⁵ As ren Noah cordail rish ooilley ny va’n Chiarn er harey eh.

Genesis 7:5 ပူးပေါင်းရင်းမြစ်များ

Genesis 6:22

Myr shoh ren Noah: cordail rish ooilley ny va Jee er harey da, myr shen ren eh.

Genesis 7:16

As adsyn hie stiagh, hie ad stiagh fyrryn as bwoirryn, jeh dy chooilley eill, myr va Jee er n’oardaghey da; as ren y Chiarn eh y yeigh stiagh.

Psalmyn 119:6

Myr shen cha bee’m er my choyrt gys nearey: choud’s ta mee coyrt tastey da ooilley dty annaghyn.

Exodus 39:32

Myr shoh va mullagh er slane obbyr y chabbane-agglish: as ren cloan Israel cordail rish ooilley ny va’n Chiarn er harey da Moses, myr shen ren ad.

Exodus 40:16

Myr shoh ren Moses: cordail rish ooilley ny va’n Chiarn er harey da: shen myr ren eh.

Exodus 7:6

As ren Moses as Aaron myr hug y Chiarn sarey daue; eer shen myr ren ad.

Noo Mian 3:15

Dreggyr Yeesey, as dooyrt eh rish, Cur raad dou nish: son shoh myr te cooie dooin dy chooilley chairys y chooilleeney. Eisht lhig eh da.

Noo Luke 8:21

Agh dreggyr eh, as dooyrt eh roo, My voir as my vraaraghyn ad shoh ta clashtyn goo Yee, as ta dy yannoo eh.

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Noo Ean 2:5

Dooyrt e voir rish y vooinjer, Jean-jee shiuish cre-erbee jir eh riu.

Philippianee 2:8

As er ny gheddyn ayns cummey myr dooinney, ren eh eh-hene y injillaghey, as haink eh dy ve biallagh gys baase, dy jarroo baase ny croshey.

Hebrewnee 5:8

Ga dy nee Mac v’eh, ny-yeih dynsee eh biallys, liorish ny reddyn duillee eh: