Genesis 7:21 - Yn Vible Casherick 1775 1819

²¹ As hooar dy chooilley chretoor baase ren gleashagh er y thalloo, chammah ny eeanlee, as y maase, as ny beiyn, as dy chooilley nhee ta snaue er y thalloo, as dy chooilley ghooinney.

Genesis 7:21 ပူးပေါင်းရင်းမြစ်များ

Genesis 1:25

As chroo Jee beishtyn y thallooin lurg nyn ghooghys, yn maase lurg nyn ghooghys, as dy chooilley nhee ta snaue er yn ooir lurg e ghooghys: as honnick Jee dy row eh mie.

Genesis 6:13

As dooyrt Jee rish Noah, Te roym dy choyrt jerrey er ooilley sheelnaue; son ta’n seihll kyndagh roo lhieent lesh tranlaase: as cur-my-ner stroie-ym ad marish y thalloo.

Genesis 6:17

As cur-my-ner, ver-yms lhiam son shickyrys thooilley dy ushtaghyn er y thalloo dy stroie dy chooilley eill, ayn ta’n ennal y vea, fo’n aer: as yiow dy chooilley nhee t’er y thalloo baase.

Genesis 7:4

Son ayns shiaghtin dy hraa ver-yms fliaghey er y thalloo, da-eed laa as da-eed oie: as dagh nhee bio ta mee er chroo, nee’m y stroie veih eaghtyr y thallooin.

Lioar Yob 34:15

Ragh dy chooilley chretoor naardey cooidjagh, as yinnagh dooinney reesht chyndaa gys joan.

Isaiah 24:19

Ta’n thalloo er ny vrishey ayns peeshyn, ta’n ooir dy glen er lheïe ersooyl, ta’n thalloo dy atchimagh er ny chraa.

Isaiah 24:6

Shen-y-fa ta’n mollaght er stroie yn cheer, as ta e chummaltee currit mow: shen-y-fa ta fir-vaghee ny hooirey losht, as beggan deiney faagit.

Hosea 4:3

Shen-y-fa nee’n cheer dobberan, as hed ooilley ny cummaltee t’ayn naardey, marish maase y vagher, as eeanlee yn aer, nee eer eeastyn ny marrey cherraghtyn.

Joel 2:3

Rhymboo ta aile stroie, as nyn gooyl ta yn lossey coyrt naardey: ta’n cheer myr garey Eden kiongoyrt roo, as nyn yeï faasagh follym-feayn, dy jarroo, as cha jean nhee erbee shaghney ad.

Zephaniah 1:3

Stroie-yms dooinney as baagh: Stroie-yms eeanlee yn aer, as eeastyn ny marrey, as ceabyn snapperal ny mee-chrauee, as giare-yms jeh dooinney veih eaghtyr y thallooin, ta’n Chiarn dy ghra.

Noo Mian 24:39

As cha dug ad tastey, derrey haink y thooilley as ghow eh ad ooilley ersooyl; myr shen myrgeddin vees cheet Mac y dooinney.

Noo Luke 17:27

V’ad gee, v’ad giu, v’ad poosey, v’ad er nyn goyrt ayns poosey, derrey’n laa hie Noe stiagh ayns yn arg: as haink y thooilley as vaih eh ad ooilley.

Romanee 8:20

Son va’n cretoor er ny injillaghey gys fardail, cha nee jeh e yoïn, agh kyndagh rishyn ren eh y injillaghey.

Romanee 8:22

Son ta fys ain dy vel yn slane seihll geamagh magh, as myr ayns pianyn troailt cooidjagh derrey nish:

2 Peddyr 2:5

As nagh ren sparail y chenn seihll, agh haue eh Noah yn hoghtoo phersoon, preachoor dy chairys, coyrt lesh y thooilley er y seihll dy vee-chrauee;