Genesis 7:13 - Yn Vible Casherick 1775 1819

¹³ Er yn eer laa cheddin hie Noah, as Shem, as Ham, as Japheth, mec Noah, as ben Noah, as three mraane e vec mâroo, stiagh ’syn arg.

Genesis 7:13 ပူးပေါင်းရင်းမြစ်များ

Genesis 10:21

Da Shem myrgeddin, ayr ooilley cloan Eber, braar Japheth by-hinney, eer dasyn va cloan er nyn ruggey.

Genesis 10:6

As mec Ham; Cush, as Mizraim, as Phut, as Canaan.

Genesis 5:32

As va Noah queig cheead bleïn dy eash: as hooar Noah Shem, Ham, as Japheth.

Genesis 6:10

As hooar Noah three mec, Shem, Ham as Japheth.

Genesis 6:18

Agh rhyt’s nee’m my chonaant shickyr y yannoo, as hig oo stiagh ayns yn arg: uss as dty vec, as dty ven, as mraane dty vec mayrt.

Genesis 7:1

As dooyrt y Chiarn rish Noah, Tar uss as ooilley dty lught-thie stiagh ’syn arg; son uss ta mee er vakin ynrick kiongoyrt rhym ayns y cheeloghe shoh.

Genesis 7:14

Adsyn, as dagh baagh lurg e cheint, as ooilley’n maase, lurg nyn geint, as dy chooilley nhee ta snaue er y thalloo lurg e cheint, as dy chooilley eean lurg e cheint, dy chooilley ushag jeh dagh horch.

Genesis 8:14

As ayns y nah vee, er y chiaghtoo laa as feed jeh’n vee va’n thalloo er jyrmaghey.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry-akin, greinnit lesh aggle, ren eh arg y hroggal dy hauail e lught-thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

1 Peddyr 3:20

Va roish nish mee-viallagh, tra ren surranse-foddey Yee farkiagh ayns laghyn Noah, choud as va’n arg dy hroggal; aynjee va beggan-beg, ta shen, hoght anmeenyn, er nyn sauail liorish ushtey.

2 Peddyr 2:5

As nagh ren sparail y chenn seihll, agh haue eh Noah yn hoghtoo phersoon, preachoor dy chairys, coyrt lesh y thooilley er y seihll dy vee-chrauee;

Briwnyn 21:22

As my hig nyn ayraghyn ny nyn mraaraghyn hooinyn dy phlaiynt, jir mayd roo, Bee-jee foayroil daue er y ghraih ainyn, er-yn-oyr nagh daag shin bio da dagh dooinney e ven ’sy chaggey: son cha nee shiuish ta nish er choyrt daue mraane, dy yannoo shiu-hene oolee.