Genesis 7:11 - Yn Vible Casherick 1775 1819

¹¹ As ’sy cheyoo cheead vleïn jeh eash Noah, ’sy nah vee, er y chiaghtoo laa yeig jeh’n vee, er y laa cheddin va ooilley undinyn y diunid vooar er nyn mrishey seose, as va uinniagyn yn aer foshlit.

Genesis 7:11 ပူးပေါင်းရင်းမြစ်များ

Genesis 1:7

As chroo Jee yn aer; as scarr eh ny ushtaghyn fo yn aer, veih ny ushtaghyn erskyn yn aer: as shen myr ve.

Genesis 6:17

As cur-my-ner, ver-yms lhiam son shickyrys thooilley dy ushtaghyn er y thalloo dy stroie dy chooilley eill, ayn ta’n ennal y vea, fo’n aer: as yiow dy chooilley nhee t’er y thalloo baase.

Genesis 7:6

As va Noah shey cheead bleïn dy eash, tra va’n thooilley er y thalloo.

Genesis 8:14

As ayns y nah vee, er y chiaghtoo laa as feed jeh’n vee va’n thalloo er jyrmaghey.

Genesis 8:2

Va myrgeddin thooillaghyn y diunid, as uinniagyn yn aer dooint seose, as va’n fliaghey veih’n aer er ny lhiettal.

2 Reeaghyn 7:19

As dreggyr y chiarn cheddin yn dooinney dy Yee, as dooyrt eh, Nish cur-my-ner, dy jinnagh y Chiarn uinniagyn ayns niau, voddagh lheid y red shoh y ve? As dooyrt eh, Cur-my-ner, hee oo eh lesh dty hooillyn, agh cha jean uss gee jeh.

2 Reeaghyn 7:2

Eisht dreggyr chiarn, va fo laue’n ree, yn dooinney dy Yee, as dooyrt eh, cur-my-ner, dy jinnagh y Chiarn uinniagyn ayns niau, vod lheid y red y ve? As dooyrt eh, Cur-my-ner, nee oo fakin eh lesh dty hooillyn, agh cha jean oo gee jeh.

Lioar Yob 12:15

Cur-my-ner, t’eh lhiettal ny ushtaghyn, as t’ad chyrmit seose; myrgeddin t’eh lhiggey’n raad daue, as t’ad lhieeney harrish y thalloo.

Lioar Yob 28:4

Ta’n thooilley scarrey cummaltee yn thallooin; eer ny ushtaghyn, raad nagh vel kesmad coshey: t’ad er ny hyrmaghey seose, t’ad sheeley ersooyl veih deiney.

Lioar Yob 38:16

Vel uss er n’gholl stiagh gys moir ushtaghyn ny marrey? ny vel oo er hooyl ayns diunidyn yn aarkey?

Lioar Yob 38:37

Cre’n chreenaght oddys towse ny bodjallyn? ny quoi oddys moir ushtaghyn yn aer y lhiettal,

Psalmyn 33:7

T’eh chaglym ushtaghyn ny marrey cooidjagh, myr carnane: as freayll fo yn diunid vooar myr ayns thie-tashtee.

Psalmyn 74:15

Woaill oo king y Leviathan ayns peeshyn: as hug oo eh dy ve son beaghey da’n pobble ayns yn aasagh.

Raaghyn Creeney 3:20

Liorish yn tushtey echeysyn ta ny diunidyn brishey magh, as ta ny bodjallyn shilley neose yn druight.

Isaiah 24:18

As hig eh gy-kione, dy jean eshyn ta chea veih feiyr yn aggle tuittym ’syn ooig; as dy bee eshyn chosnys seose ass yn ooig goit ayns y ribbey: son ta uinniagyn yn yrjey foshlit, as ta undinyn y thallooin er-creau.

Isaiah 24:19

Ta’n thalloo er ny vrishey ayns peeshyn, ta’n ooir dy glen er lheïe ersooyl, ta’n thalloo dy atchimagh er ny chraa.

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Jeremiah 51:16

Tra t’eh cur magh e choraa, ta’n aer laadit lesh ushtey, as t’eh cur er kay troggal veih ardjyn sodjey magh y thallooin; t’eh cur magh tendreilyn lesh fliaghey, as lhiggey magh yn gheay ass e hashtaghyn.

Ezekiel 26:19

Son myr shoh ta’n Chiarn Jee dy ghra, Tra neem’s uss dy ve ard-valley follym-faase, myr ny ard-valjyn ta gyn cummaltee, tra ver-yms lhiam seose yn diunid harryd, as nee ushtaghyn mooarey dty choodaghey;

Malachi 3:10

Cur-jee lhieu ooilley ny jagheenyn gys y thie-tashtee, dy vod beaghey ’ve ayns my hie’s, as prow-jee mee nish lesh shoh, ta Chiarn ny flaunyssee dy ghra, mannagh voshil-yms diuish uinniagyn yn aer, as deayrtey magh bannaght, nagh bee room dy liooar dy ghoaill stiagh eh.

Noo Mian 24:38

Son myr ayns ny laghyn va roish y thooilley, v’ad gee as giu, poosey as coyrt ayns poosey, derrey yn laa hie Noe stiagh ayns yn arg,

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.

2 Peddyr 3:6

Liorish va seihll yn traa shen, coodit lesh thooilley dy ushtey, er ny stroie.