Genesis 6:8 - Yn Vible Casherick 1775 1819

⁸ Agh hooar Noah foayr ayns shilley yn Chiarn.

Genesis 6:8 ပူးပေါင်းရင်းမြစ်များ

Genesis 19:19

Cur-my-ner nish, ta dty harvaant er gheddyn foayr ayns dty hilley; as t’ou er ghloyraghey dty vyghin t’ou er hoilshaghey dooys ayns sauail my vioys; as cha voddym chea gys y clieau, er-aggle dy berr olk ennagh orrym, as dy voym baase.

Psalmyn 145:20

Ta’n Chiarn coadey adsyn ooilley ta graihagh er: agh skeayley dy lhean ooilley ny mee-chrauee.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Raaghyn Creeney 12:2

Ta dooinney mie geddyn foayr veih’n Chiarn: agh y dooinney molteyragh nee eh y gheyrey.

Raaghyn Creeney 3:4

Myr shen yiow foayr, as aigney-mie ayns shilley Jee as dooinney.

Raaghyn Creeney 8:35

Son quoi-erbee ta dy my gheddyn, t’eh geddyn bea, as cosney foayr veih’n Chiarn.

Jeremiah 31:2

Shoh myr ta’n Chiarn dy ghra, Hooar yn pobble va faagit veih’n chliwe foayr ayns yn aasagh; eer Israel, tra hug mee lhiam stiagh eh gys e chummal ayns fea.

Ezekiel 14:14

Ga dy beagh ny three deiney shoh, Noah, Daniel, as Job ayn, cha jinnagh ad livrey agh nyn anmeenyn hene liorish nyn gairys, ta’n Chiarn Jee dy ghra.

Noo Mian 24:37

Agh myr va laghyn Noe, myr shen myrgeddin vees cheet Mac y dooinney.

Noo Luke 1:30

As dooyrt yn ainle r’ee, Ny bee aggle ort, O Voirrey; son t’ou er gheddyn foayr veih Jee.

Noo Luke 17:26

As myr ve rish lhing Noe, shen myr vees eh neesht ayns laghyn Mac y dooinney.

Jannoo 7:46

Eh hooar foayr ayns shilley Yee, as va aggindagh dy hroggal thie son Jee Yacob.

Romanee 11:6

As my she liorish grayse, cha vel eh ny sodjey liorish obbraghyn: er aght elley cha vel grayse ny sodjey grayse. Agh my te liorish obbraghyn, eisht cha vel eh ny sodjey grayse: er aght elley cha vel obbyr jeh veg y vree.

Romanee 4:4

Nish dasyn ta gobbraghey, cha vel y leagh coontit myr foayr, agh myr cair.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny-yeih cha nee mish, agh grayse Yee va mârym.

Galatianee 1:15

Agh tra by-chooidsave lesh Jee, ren mish y reih veih breïn my vayrey, as deïe eh orrym liorish e ghrayse,

2 Timothy 1:18

Dy giall y Chiarn da dy vod eh myghin y gheddyn veih’n Chiarn ’sy laa shen: as ayns cre whilleen nhee ren eh shirveish orrym ec Ephesus, ta fys ayd er dy mie.

Titus 2:11

Son ta grayse Yee er ny hoilshaghey, ta chebbal saualtys da dy chooilley ghooinney;

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

Hebrewnee 4:16

Lhig dooin er-y-fa shen cheet lesh dunnallys gys stoyl-reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.

1 Peddyr 3:20

Va roish nish mee-viallagh, tra ren surranse-foddey Yee farkiagh ayns laghyn Noah, choud as va’n arg dy hroggal; aynjee va beggan-beg, ta shen, hoght anmeenyn, er nyn sauail liorish ushtey.

2 Peddyr 2:5

As nagh ren sparail y chenn seihll, agh haue eh Noah yn hoghtoo phersoon, preachoor dy chairys, coyrt lesh y thooilley er y seihll dy vee-chrauee;