Genesis 6:6 - Yn Vible Casherick 1775 1819

⁶ As ghow yn Chiarn arrys dy row eh er chroo dooinney er y thalloo, as v’eh seaghnit ayns e chree.

Genesis 6:6 ပူးပေါင်းရင်းမြစ်များ

Genesis 6:7

As dooyrt y Chiarn stroie-ym dooinney, ta mee er chroo veih eaghtyr y thallooin: chammah dooinney as baagh, as y cretoor snauee, as eeanlee yn aer: son ta arrys orrym dy vel mee er chroo ad.

2 Samuel 24:16

As tra va’n ainle er heeyney magh e laue er Jerusalem dy stroie eh, ghow’n Chiarn chymmey jeh nyn stayd treih, as dooyrt eh rish yn ainle va stroie’n pobble, S’lioar eh; lhig sheese nish dty laue. As va ainle y Chiarn liorish laare-vooie Araunah yn Jebusite.

1 Recortyssyn 21:15

As hug Jee e ainle gys Jerusalem dy stroie eh; as myr v’eh stroie, chur y Chiarn my-ner, as ghow eh chymmey jeh’n stayd treih oc, as dooyrt eh rish yn ainle va stroie, S’lioar eh, tayrn back dty laue. As hass ainle y Chiarn liorish laare-vooie Ornan yn Jebusite.

Psalmyn 106:45

Livrey uss shinyn, O Hiarn nyn Yee, as chaggil shin veih mastey ny ashoonyn: dy vod mayd booise y chur da dty Ennym casherick, as imraa gloyroil y yannoo jeh dty voylley.

Psalmyn 110:4

Ta’n Chiarn er vreearrey, as cha gow eh arrys: T’ou uss Ard-saggyrt dy bragh myr va Melchisedec.

Psalmyn 119:158

Te trimshey dou dy akin ny drogh-yantee: son nagh vel ad freayll dty leigh.

Psalmyn 78:40

Son chooinee eh nagh row ad agh feill: as nagh row ad agh myr geay ta goll ersooyl as nagh vel cheet reesht.

Psalmyn 81:13

Myr shen livrey mee ad seose gys sayntyn nyn greeaghyn hene: as lhig mee daue geiyrt er ny smooinaghtyn fardalagh oc hene.

Psalmyn 95:10

Da-eed bleïn liauyr va mee corree rish y cheeloghe shoh, as dooyrt mee: She pobble ad ta goll er-shaghryn ayns nyn greeaghyn, son cha vel enney er ve oc er my raaidyn.

Exodus 32:14

As va’n Chiarn er ny veiyghey veih’n olk, v’eh kiarit dy yannoo rish e phobble.

Isaiah 48:18

O dy beagh oo er n’eaishtagh rish my annaghyn! eisht veagh dty hee er ve myr awin, as dty ynrickys myr tonnyn ny marrey;

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Jeremiah 18:7

Cre-erbee yn traa loayr-yms mychione ashoon, as mychione reeriaght, dy astyrt, as dy lhieggal, as dy stroie eh:

Jeremiah 26:19

Dug Hezekiah ree Yudah as ooilley Judah eshyn gy-baase? nagh ren eh aggle y ghoaill roish y Chiarn, as guee gys y Chiarn, as ren y Chiarn yn vriwnys y hyndaa v’eh er n’ockley magh nyn ’oï? Myr shoh oddagh shinyn v’er dayrn briwnys trome er ny anmeenyn ain hene.

Ezekiel 33:11

Abbyr roo, Myr ta mee bio, ta’n Chiarn Jee dy ghra, cha vel veg y taitnys aym’s ayns baase ny mee-chrauee, agh dy jinnagh ny mee-chrauee chyndaa veih nyn raad, as ve bio: chyndaa-jee, chyndaa-jee veih nyn ghrogh raaidyn; son cre’n-fa ta shiu tayrn baase erriu hene, O hie Israel?

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Jonah 3:10

As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Malachi 3:6

Son mish yn Chiarn; cha vel mee caghlaa: shen-y-fa cha vel shiuish mec Yacob er nyn stroie.

Earrooyn 23:19

Cha vel Jee myr dooinney, dy yannoo foalsaght, chamoo myr mac dooinney, dy chaghlaa e aigney: vel eh er ghra, as nagh jean eh cooilleeney? ny vel eh er loayrt, as nagh jean eh mie jeh?

Romanee 11:29

Son ta giootyn graysoil as eam Yee gyn caghlaa.

Ephesianee 4:30

As ny cur-jee corree er Spyrryd casherick Yee, liorish ta shiu cowrit gys laa yn livrey-ys eu.

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!

Deuteronomy 32:36

Son nee’n Chiarn briwnys e phobble, as bee chymmey echey er e harvaantyn; tra hee eh dy vel y phooar oc er n’immeeaght, as nagh vel veg y chooney faagit nyn gour.

Deuteronomy 5:29

O dy beagh lheid y cree ayndoo, dy goghe ad aggle roym, as dy vreillagh ad ooilley my annaghyn dy kinjagh, dy voddagh ad hene as nyn gloan ve maynrey son dy bragh!

Hebrewnee 3:10

Shen-y-fa va mee corree rish y cheeloghe shoh, as dooyrt mee. T’ad dy kinjagh goll er-shaghryn ayns nyn gree; as cha vel enney er ve oc er my raaidyn.

Hebrewnee 3:17

Agh quoi liorish v’eh er ny vrasnaghey da-eed bleïn? nagh nee lioroosyn v’er n’yannoo peccah, ny callinyn oc huitt ’syn aasagh?

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

1 Samuel 15:11

Ta mee chaghlaa my aigney noi Saul dy vel mee er hoiaghey seose eh dy ve ny ree: son t’eh er choyrt cooyl rhym, as cha vel eh er chooilleeney my harey. As va shoh trimshey mooar da Samuel; as deïe eh gys y Chiarn fud-ny-hoie.

1 Samuel 15:29

Myrgeddin cha jean eshyn ta coyrt barriaght da Israel caghlaa, ny goaill arrys: son cha nee dooinney eh, dy goghe eh arrys.

1 Samuel 15:35

As cha daink Samuel arragh dy yeeaghyn Saul gys laa e vaaish: ny-yeih ren Samuel dobberan son Saul: as va’n Chiarn neu-wooiagh dy row Saul ny ree harrish Israel.