Genesis 6:5 - Yn Vible Casherick 1775 1819

⁵ As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Genesis 6:5 ပူးပေါင်းရင်းမြစ်များ

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

Lioar Yob 15:16

Cre-woad sloo dwoaiagh as neu-ghlen ta dooinney, ta sluggey mee-chairys myr ushtey?

Lioar Yob 22:15

Vel oo er chur tastey da’n chenn raad ta ny mee-chrauee er n’immeeaght ayn;

Psalmyn 53:2

T’adsyn er jeet dy ve feer vee-chrauee, as dwoaiagh ayns yn olkys oc: cha vel unnane erbee ta jannoo dy mie.

Raaghyn Creeney 6:18

Cree ta geiyrt er drogh smooinaghtyn, cassyn ta bieau ayns roie gys olk.

Ecclesiastes 7:29

Cur-my-ner, shoh ynrycan ta mee er gheddyn, dy vel Jee er n’yannoo dooinney cairal; agh t’eh dy voirey eh-hene ayns ymmodee cooishyn kialgagh.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Jeremiah 17:9

Ta’n cree molteyragh erskyn dy chooilley nhee, as mee-chrauee erskyn-towse: quoi oddys toiggal eh?

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Ezekiel 8:12

Eisht dooyrt eh rhym, Vac y dooinney, vel oo er vakin shen ny ta shanstyr thie Israel dy yannoo ’sy dorraghys, dagh dooinney ayns shamyryn nyn yallooyn hene? son t’ad gra, Cha vel y Chiarn fakin shin, ta’n Chiarn er hreigeil y cheer.

Ezekiel 8:9

As dooyrt eh rhym, Immee stiagh, as cur uss my-ner yn eajeeys mee-chrauee t’ad dy yannoo ayns shoh.

Noo Mian 15:19

Son magh veih’n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh.

Noo Mian 24:37

Agh myr va laghyn Noe, myr shen myrgeddin vees cheet Mac y dooinney.

Noo Luke 17:26

As myr ve rish lhing Noe, shen myr vees eh neesht ayns laghyn Mac y dooinney.

Deuteronomy 29:19

As dy jig eh gy-kione, tra chlinnys eh goan yn mollaght shoh, as dy jean eh sheeaney eh hene ayns e chree, gra, Bee shee aym, ga dy vel mee gimmeeaght lurg drogh smooinaghtyn my chree hene, dy choyrt meshteyllys gys paays:

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Peddyr 3:20

Va roish nish mee-viallagh, tra ren surranse-foddey Yee farkiagh ayns laghyn Noah, choud as va’n arg dy hroggal; aynjee va beggan-beg, ta shen, hoght anmeenyn, er nyn sauail liorish ushtey.