Genesis 6:3 - Yn Vible Casherick 1775 1819

³ As dooyrt y Chiarn, Cha jean my spyrryd dy kinjagh streeu rish dooinney, fakin nagh vel eh hene myrgeddin agh foalley: foast bee e eash shey-feed bleïn.

Genesis 6:3 ပူးပေါင်းရင်းမြစ်များ

Genesis 6:2

Dy vaik mec Yee inneenyn gheiney dy row ad aalin; as ghow ad mraane jeu, lurg nyn yeearree.

Nehemiah 9:30

Foast, dymmyrk oo lhieu ry bleeantyn foddey, gymmyrkey feanish nyn ’oï liorish dty spyrryd ayns dty adeyryn: ny-yeih, cha n’eaishtagh ad: er-yn-oyr shen livrey oo ad gys laue pobble ny cheeraghyn.

Psalmyn 78:39

Dy jarroo, shimmey keayrt hyndaa eh e chorree ersooyl: as cha lhiggagh eh da’n slane jymmoose echey brishey magh.

Psalmyn 90:10

Ta laghyn yn eash ain three-feed bleïn as jeih: as ga dy vod deiney ’ve cha lajer as dy roshtyn kiare-feed bleïn; ny-yeih cha vel y troshid oc eisht agh deinys as trimshey; cha leah shen te er n’gholl shaghey, as ta shin goit jeh.

Isaiah 5:4

Cre smoo oddagh ve jeant son my gharey-feeyney, nagh vel mish er n’yannoo ayn? cre’n-fa eisht, tra yeeagh mee dy n’ymmyrkagh eh berrishyn-feeyney, dy dymmyrk eh berrishyn-feeyney feïe?

Isaiah 57:16

Son cha beem’s dy kinjagh streeu, chamoo vee’m dy kinjagh corree: son yinnagh yn spyrryd failleil kiongoyrt rhym, as ny anmeenyn ta mee er chroo.

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Jeremiah 11:11

Shen-y-fa myr shoh ta’n Chiarn dy ghra, Cur-my-ner, ver-ym lhiam olk orroo, nagh vod ad shaghney; as ga dy n’eam ad hym, cha der-ym clashtyn daue.

Jeremiah 11:7

Son ren mee breearrey chion noi nyn ayraghyn, ’sy laa hug mee lhiam ad seose ass cheer Egypt, eer gys y laa t’ayn jiu, girree dy moghey as cur raaue chion, as gra, Cur-jee biallys da my choraa.

Earrooyn 11:17

As hig-yms neose as loayr-ym rhyt ayns shen; as nee’m goaill jeh’n spyrryd t’ort’s, as ver-ym eh orroo shen; as nee ad gymmyrkey errey yn pobble mayrt, nagh bee’n slane currym ort hene.

Noo Ean 3:6

Shen t’er ny ruggey jeh’n eill, te foalley; as shen t’er ny ruggey jeh’n Spyrryd, te spyrrydoil.

Jannoo 7:51

Shiuish chreoi-wannallee, as an-ghiarey-chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

1 Thessalonianee 5:19

Ny jean-jee mooghey yn Spyrryd.