Genesis 6:2 - Yn Vible Casherick 1775 1819

² Dy vaik mec Yee inneenyn gheiney dy row ad aalin; as ghow ad mraane jeu, lurg nyn yeearree.

Genesis 6:2 ပူးပေါင်းရင်းမြစ်များ

Genesis 12:11

As haink eh gy-kione, myr v’eh tayrn er-gerrey da Egypt, dy dooyrt eh rish Sarai e ven, Cur-my-ner nish, ta fys aym dy vel oo ben aalin dy yeeaghyn ort.

Genesis 24:3

As ver-yms ort breearrey liorish y Chiarn, Jee niau as thalloo, nagh gow ben da my vac, jeh inneenyn ny Canaaniteyn, nyn mast’ ta mee cummal.

Genesis 26:35

V’ad shoh oyr trimshey da Isaac, as da Rebekah.

Genesis 27:46

As dooyrt Rebekah rish Isaac, Ta mee skee jeh my vioys kyndagh rish inneenyn Heth: my ghoys Jacob ben jeh inneenyn Heth, lheid as t’ad shoh inneenyn y cheer, cre sheeagh dou my vioys?

Genesis 3:6

As tra honnick y ven dy row yn billey mie son beaghey: as aalin gys y thooill; as billey dy ve er ny yeearree dy yannoo creeney: ghow ee jeh’n vess, as ren ee gee; as hug ee myrgeddin da e sheshey va mâree, as ren eshyn gee.

Genesis 4:26

As da Seth myrgeddin va mac er ny ruggey; as denmys eh eh Enos: eisht ghow deiney toshiaght dy enmys ad hene lurg ennym y Chiarn.

Genesis 6:1

As haink eh gy-kione, myr ghow deiney toshiaght dy vishaghey er eaghtyr y thallooin, as dy row inneenyn ruggit daue.

Genesis 6:3

As dooyrt y Chiarn, Cha jean my spyrryd dy kinjagh streeu rish dooinney, fakin nagh vel eh hene myrgeddin agh foalley: foast bee e eash shey-feed bleïn.

2 Samuel 11:2

As haink eh gy-kione er fastyr dy row, dy dirree David veih e lhiabbee, as huill eh er mullagh thie’n ree: as veih’n vullagh honnick eh ben faarkey ee-hene; as va’n ven feer aalin dy yeeaghyn urree.

Ezra 9:12

Nish er-y-fa shen, ny cur-jee ny inneenyn euish da ny mec ocsyn, chamoo gow-jee ny inneenyn oc da ny mec euish, chamoo shir-jee yn shee oc, ny nyn voays, son dy bragh; dy vod shiu ve niartal, as soylley ’ghoaill jeh’n cheer, as faagail eh son eiraght da nyn gloan, son dy bragh.

Lioar Yob 1:6

Nish haink eh gy-kione er laa dy row, tra haink ainleyn Yee fenish y Chiarn dy hebbal nyn shirveish, dy daink Satan myrgeddin ny mast’ oc.

Lioar Yob 31:1

Ren mee conaant rish my hooillyn; cre’n-fa eisht smooinin er moidyn?

Exodus 34:16

As dy gow uss ny inneenyn ocsyn da ny mec ayd, as dy jed ny inneenyn ocsyn er-shaghryn lurg ny jeeghyn oc hene, as dy der ad er dty vec goll er-shaghryn lurg ny jeeghyn ocsyn.

Isaiah 63:16

Shickyr uss yn ayr ain, ga nagh vel toiggal ec Abraham j’in, as nagh vel Israel goaill rooin: uss, O Hiarn, nyn Ayr, nyn Saualtagh, ta dty ennym er-dy-rieau.

Malachi 2:11

Ta Judah er ghellal dy foalsey, as ta peccah eajee jeant ayns Israel as ayns Jerusalem, son ta Judah er hayrn scammylt er casherickys y Chiarn, shen bynney lesh, as er phoosey inneen Yee quaagh.

Malachi 2:15

As nagh ren eh croo agh unnane? ga dy row pooar sodjey echey; as cre’n-fa unnane? agh dy gheddyn sluight chrauee: gow-jee er-y-fa shen tastey jeh nyn spyrryd, as ny lhig da fer erbee dellal dy molteyragh noi ben e aegid.

1 Corinthianee 7:39

Ta’n ven fo kiangley yn leigh choud as s’bio yn sheshey eck: agh my ta’n dooinney eck geddyn baase, t’ee ec e reamys hene dy ve poost rish quoi-erbee saillee; agh ayns y Chiarn.

2 Corinthianee 6:18

As beem’s my Ayr diuish, as bee shiuish ny mec as ny inneenyn aym’s, ta’n Chiarn Ooilley-niartal dy ghra.

Deuteronomy 14:1

Shiuish cloan y Chiarn nyn Yee: cha jean shiu giarey shiu hene, ny meaylid erbee y yannoo erskyn nyn sooillyn son ny merriu.

2 Peddyr 2:14

Lesh sooillyn soit er brishey-poosey, as nagh vod scuirr veih peccah; molley anmeenyn lhag-chredjuagh: creeaghyn t’oc, cliaghtit er obbraghyn sayntoilagh; cloan ny mollaght:

1 Ean 2:16

Son ooilley ny ta ’sy theihll, saynt ny foalley, as saynt ny sooilley, as moyrn y vea, cha vel ad jeh’n Ayr, agh jeh’n seihll.