Genesis 6:17 - Yn Vible Casherick 1775 1819

¹⁷ As cur-my-ner, ver-yms lhiam son shickyrys thooilley dy ushtaghyn er y thalloo dy stroie dy chooilley eill, ayn ta’n ennal y vea, fo’n aer: as yiow dy chooilley nhee t’er y thalloo baase.

Genesis 6:17 ပူးပေါင်းရင်းမြစ်များ

2 Peddyr 2:5

As nagh ren sparail y chenn seihll, agh haue eh Noah yn hoghtoo phersoon, preachoor dy chairys, coyrt lesh y thooilley er y seihll dy vee-chrauee;

Genesis 7:4

Son ayns shiaghtin dy hraa ver-yms fliaghey er y thalloo, da-eed laa as da-eed oie: as dagh nhee bio ta mee er chroo, nee’m y stroie veih eaghtyr y thallooin.

1 Peddyr 3:20

Va roish nish mee-viallagh, tra ren surranse-foddey Yee farkiagh ayns laghyn Noah, choud as va’n arg dy hroggal; aynjee va beggan-beg, ta shen, hoght anmeenyn, er nyn sauail liorish ushtey.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry-akin, greinnit lesh aggle, ren eh arg y hroggal dy hauail e lught-thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Amos 9:6

She eshyn eh ta troggal e hiamyryn ard ayns niau, as t’er chiaddey earroo [e chretooryn] er y thalloo; eshyn ta geamagh son ushtaghyn ny marrey, as deayrtey ad magh er eaghtyr y thallooin: yn Chiarn yn ennym echey.

Psalmyn 29:10

Ver y Chiarn niart da e phobble: ver y Chiarn da e phobble yn bannaght dy hee.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

Romanee 5:21

’Naght myr ta peccah er reill gys baase, eer myr shen dy voddagh grayse reill trooid cairys gys y vea ta dy bragh farraghtyn, liorish Yeesey Creest nyn Jiarn.

Noo Luke 17:27

V’ad gee, v’ad giu, v’ad poosey, v’ad er nyn goyrt ayns poosey, derrey’n laa hie Noe stiagh ayns yn arg: as haink y thooilley as vaih eh ad ooilley.

Hosea 5:14

Son beem’s da Ephraim myr lion, as myr quallian y lion da thie Yudah: neem’s, dy jarroo neem’s raipey, as goll roym; goym lhiam ersooyl, as cha jean fer erbee eshyn y livrey.

Ezekiel 34:20

Shen-y-fa, myr shoh ta’n Chiarn Jee dy ghra roosyn, Cur-my-ner, neem’s, dy jarroo neem’s mee hene briwnys eddyr y maase roauyr, as eddyr y maase shang.

Ezekiel 34:11

Son myr shoh ta’n Chiarn Jee dy ghra, Cur-my-ner, neem’s, dy jarroo neem’s mee hene briaght son my chirree, as ad y hirrey magh.

Ezekiel 6:3

As abbyr, Shiuish sleityn Israel, clasht-jee rish goo yn Chiarn Jee, Myr shoh ta’n Chiarn Jee dy ghra rish ny sleityn, as rish ny croink, rish ny awinyn, as rish ny glionteenyn, Cur-my-ner, ver-yms, dy jarroo ver-yms lhiam cliwe erriu, as nee’m ny ard-ynnydyn eu y stroie.

Ezekiel 5:8

Shen-y-fa myr shoh ta’n Chiarn Jee dy ghra, Cur-my-ner ta mish, dy jarroo mish hene, dt’oï, as ayns dty vean’s goym cooilleeney jeed’s ayns shilley ny ashoonyn.

Isaiah 54:9

Son ta shoh dooys myr va thooilley Noah: son myr ta mee er vreearrey nagh ragh thooilley Noah ny smoo harrish yn seihll; myrgeddin ta mee er vreearrey nagh beign jymmoosagh dt’oï, ny cur oghsan dhyt.

Isaiah 51:12

Mish, dy jarroo mish eh, ta dy dty gherjaghey: quoi uss, dy beagh aggle ort roish dooinney marvaanagh, as roish mac y dooinney vees myr y faiyr;

Lioar Yob 22:16

Va er nyn yiarey sheese roish nyn draa; yn undin oc va er ny choyrt mow lesh thooilley;

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.

Leviticus 26:28

Eisht beem’s nyn ’oï eu eer ayns dewlys: as mish, mee hene, nee shiuish y smaghtaghey shiaght keayrtyn smoo son nyn beccaghyn.

Exodus 14:17

As neem’s, cur-my-ner, neem’s creeaghyn ny Egyptianee y chreoghey, as hed ad geiyrt orroo: as yioyms dou hene ooashley harrish Pharaoh, as ooilley e heshaght-chaggee, er ny fainee, as er ny markee echey.

Genesis 6:13

As dooyrt Jee rish Noah, Te roym dy choyrt jerrey er ooilley sheelnaue; son ta’n seihll kyndagh roo lhieent lesh tranlaase: as cur-my-ner stroie-ym ad marish y thalloo.

Genesis 6:7

As dooyrt y Chiarn stroie-ym dooinney, ta mee er chroo veih eaghtyr y thallooin: chammah dooinney as baagh, as y cretoor snauee, as eeanlee yn aer: son ta arrys orrym dy vel mee er chroo ad.

Noo Mian 24:39

As cha dug ad tastey, derrey haink y thooilley as ghow eh ad ooilley ersooyl; myr shen myrgeddin vees cheet Mac y dooinney.

Genesis 9:9

As mish, cur-my-ner, ta mish niartaghey my chonaant riuish, as nyn sluight nyn yeï;

Genesis 7:17

As va’n thooilley da-eed laa er y thalloo; as ren ny ushtaghyn gatt, as dymmyrk ad seose yn arg, as ve troggit seose erskyn y thalloo.

Genesis 7:15

As hie ad stiagh gys Noah ayns yn arg, jees as jees, jeh dy chooilley eill, ayn ta ennal y vea.

Genesis 2:7

As ren y Chiarn Jee dooinney y chroo ass joan ny hooirey, as heid eh ayns ny stroanyn echey ennal y vea; as haink dooinney dy ve ny annym bio.

Genesis 6:16

Uinniag nee oo y yannoo ayns yn arg, as ayns cubit ver oo mullagh er: as dorrys yn arg nee oo soiaghey ’sy lhiattee echey; ayns three roomyn er yrjid, nee oo y yannoo eh.