Genesis 6:16 - Yn Vible Casherick 1775 1819

¹⁶ Uinniag nee oo y yannoo ayns yn arg, as ayns cubit ver oo mullagh er: as dorrys yn arg nee oo soiaghey ’sy lhiattee echey; ayns three roomyn er yrjid, nee oo y yannoo eh.

Genesis 6:16 ပူးပေါင်းရင်းမြစ်များ

Genesis 6:15

As jeh’n chummey shoh nee oo y yannoo eh: bee lhiurid yn arg three cheead cubit, e lheead jeih cubityn as da-eed, as yn yrjid echey jeih cubityn as feed.

Genesis 6:17

As cur-my-ner, ver-yms lhiam son shickyrys thooilley dy ushtaghyn er y thalloo dy stroie dy chooilley eill, ayn ta’n ennal y vea, fo’n aer: as yiow dy chooilley nhee t’er y thalloo baase.

Genesis 7:16

As adsyn hie stiagh, hie ad stiagh fyrryn as bwoirryn, jeh dy chooilley eill, myr va Jee er n’oardaghey da; as ren y Chiarn eh y yeigh stiagh.

Genesis 8:6

As haink eh gy-kione lurg da-eed laa, dy ren Noah fosley uinniag yn arg v’eh er hroggal.

2 Samuel 6:16

As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

2 Reeaghyn 9:30

As tra va Jehu er jeet gys Jezreel, cheayll Jezebel jeh; as hug ee paint er e eddin, as vreid ee e kione, as yeeagh ee magh er uinniag.

Ezekiel 41:16

Ny essynyn dorrys, as ny uinniagyn coon, as ny loutyn-lhiattee mygeayrt er ny three yrjidyn, jeeragh er y choolley, va layit harrish lesh fuygh ooilley mygeayrt, as veih’n laare seose gys ny uinniagyn, as va coodagh er ny uinniagyn;

Ezekiel 42:3

Jeeragh er ny feed cubityn va son y chooyrt sodjey stiagh, as jeeragh er y phavement, va son y chooyrt sodjey magh, va galleree noi galleree ayns three loutyn.

Noo Luke 13:25

Keayrt dy vel mainshter y thie er n’irree, as y dorrys dooint, as dy jean shiuish toshiaght dy hassoo er cheu-mooie, as dy chronkal ec y dorrys, gra, Hiarn, Hiarn, foshil dooin; as freggyree eshyn as jir eh riu, Cha nione dou shiu, cre veih ta shiu: