Genesis 6:11 - Yn Vible Casherick 1775 1819

¹¹ Va’n seihll myrgeddin mee-chrauee kiongoyrt rish Jee; as va’n thalloo lhieent lesh tranlaase.

Genesis 6:11 ပူးပေါင်းရင်းမြစ်များ

Genesis 10:9

V’eh ny helgeyr niartal kiongoyrt rish y Chiarn: shen-y-fa te ny raa cadjin, Eer myr Nimrod yn shelgeyr niartal kiongoyrt rish y Chiarn.

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Genesis 6:10

As hooar Noah three mec, Shem, Ham as Japheth.

Genesis 7:1

As dooyrt y Chiarn rish Noah, Tar uss as ooilley dty lught-thie stiagh ’syn arg; son uss ta mee er vakin ynrick kiongoyrt rhym ayns y cheeloghe shoh.

2 Recortyssyn 34:27

Er-yn-oyr dy row dty chree meiygh as dy ren oo oo-hene y injillaghey kiongoyrt rish Jee, tra cheayll oo e ghoan noi’n ynnyd shoh, as noi e chummaltee, as dy vel oo er injillaghey oo hene, as er raipey dty choamrey, as er ghobberan kiongoyrt rhym, ta mish myrgeddin er choyrt clashtyn dhyt, ta’n Chiarn dy ghra,

Psalmyn 11:5

Ta ny sooillyn echey goaill tastey jeh’n voght: as ferroogh e hooillyn prowal cloan gheiney.

Psalmyn 140:11

Cha jig y feanish foalsey er y hoshiaght er y thalloo: nee olk yn dooinney tranlaasagh y helg gys e hoyrt-mow.

Psalmyn 55:9

Stroie ny chengaghyn oc, O Hiarn, as cur ad noi-ry-hoi: son ta mee er vakin neu-chairys as streeu ayns yn ard-valley.

Exodus 32:7

As dooyrt y Chiarn rish Moses, Immee, gow royd sheese; son ta dty phobble hug oo lhiat magh ass cheer Egypt, er n’yannoo peccah trome.

Isaiah 60:18

Cha bee tranlaase ny smoo er ny chlashtyn trooid dty heer, traartys ny treihys ayns dty ardjyn: agh nee oo genmys dty voallaghyn Saualtys, as dty yiattyn Moylley.

Jeremiah 6:7

Myr ta farrane cur magh ny ushtaghyn eck, myr shen t’eeish cur magh e mee-chraueeaght: ta eam dy hranlaase as spooilley er ny chlashtyn aynjee; ayns my hilley’s dy kinjagh ta trimshey as lhottyn.

Ezekiel 28:16

Liorish ymmodee dty varchantys, t’ad er dty lhieeney lung-lane dy hranlaase, as t’ou er n’yannoo peccah: shen-y-fa eiyr-yms oo myr an-chasherick magh ass slieau Yee: as nee’m uss y stroie, O cherub skianagh veih mastey ny claghyn aileagh.

Ezekiel 8:17

Eisht dooyrt eh rhym, Vel oo er vakin shoh, O vac y dooinney? nee red eddrym eh da thie Yudah, dy vel ad cur-rish lheid yn eajeeys, as t’ad dy yannoo ayns shoh? son t’ad er lhieeney yn thalloo lesh tranlaase, as t’ad er chur cooyl rhym, dy my vrasnaghey; as cur-my-ner ta’n broïd oc er chur feoh aynym.

Habakkuk 1:2

O Hiarn, caïd nee’m geamagh, as cha jean oo clashtyn! eer geamagh dy ard hood, mychione tranlaase, as cha jean oo sauail!

Habakkuk 2:17

Son nee tranlaase Lebanon uss y choodaghey: as spooilley maase hug aggle ayndoo, kyndagh rish fuill deiney, as tranlaase y cheer, yn ard-valley, as ooilley ny ta cummal ayn.

Habakkuk 2:8

Er-yn-oyr dy vel uss er roostey ymmodee ashoonyn, nee ooilley fooilliagh yn phobble uss y roostey: kyndagh rish fuill deiney, as son tranlaase y cheer, yn ard-valley, as adsyn ooilley ta cummal ayn.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Romanee 2:13

(Son cha nee adsyn ta clashtyn y leigh ta seyr fenish Yee, agh jeantee yn leigh vees er ny heyrey.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Deuteronomy 31:29

Son ta fys aym, lurg my vaase, dy der shiu seose shiu hene dy slane dy chur rish olk, as dy jyndaa shiu dy lhiattee veih’n raad, ta mish er harey diu: as dy berree treihys erriu ayns ny laghyn jerrinagh, er-yn-oyr dy n’eiyr shiu er olk ayns shilley’n Chiarn, dy vrasnaghey eh gys corree, lesh obbyr nyn laueyn.

Briwnyn 2:19

As haink eh gy-kione, tra va’n briw marroo, dy dug ad cooyl as ren ad ny smessey na nyn ayraghyn, ayns geiyrt er jeeghyn elley dy hirveish ad, as dy chroymmey sheese huc: cha scuirr ad veih nyn obbraghyn, ny veih’n drogh-yannoo oc hene.