Genesis 50:5 - Yn Vible Casherick 1775 1819

⁵ Hug m’ayr orrym breearrey, gra, cur-my-ner, ta mish goll dy baase: ayns yn oaie, ta mee er chiarail dou hene ayns cheer Chanaan, ayns shen nee uss mish y oanluckey: nish, er-yn-oyr shoh, lhig dou goll seose, ta mee guee ort, dy oanluckey m’ayr, as hig-ym reesht.

Genesis 50:5 ပူးပေါင်းရင်းမြစ်များ

Genesis 3:19

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

Genesis 48:21

As dooyrt Israel rish Joseph, Cur-my-ner, ta my vaase er-gerrey: agh bee Jee mêriuish, as ver eh lesh shiu reesht gys cheer nyn ayraghyn.

Genesis 50:24

As dooyrt Joseph rish e vraaraghyn, Ta my vaase er-gerrey: as nee Jee son shickyrys jeeaghyn erriu, as ver eh lesh shiu ass y cheer shoh, gys y cheer yiall eh liorish breearrey da Abraham, da Isaac, as Jacob.

Genesis 50:4

As tra va laghyn y dobberan er e hon ec kione, loayr Joseph rish lught-thie Pharaoh, gra, My ta mee nish er gheddyn foayr ayns y chilley eu, loayr-jee, ta mee guee erriu, ayns clashtyn Pharaoh, gra,

Genesis 50:6

As dooyrt Pharaoh, Immee seose, as jean dt’ayr y oanluckey, cordail rish y breearrey t’ou er ghoaill.

2 Recortyssyn 16:14

As doanluck ad eh ’syn oaie, v’eh er n’yannoo da hene ayns ard-valley Ghavid, as hug ad eh ayns y lhiabbee, v’er ny lhieeney lesh soaryn miljey, as ymmodee sorch dy spiceyn jeant seose liorish schleï yn phothecary: as ren ad aile oanluckee mooar y yannoo er e hon.

Lioar Yob 30:23

Son ta fys aym dy der oo lhiat mee gys stayd ny merriu, gys y thie shen ta kiarit son ooilley ny bioee.

Psalmyn 79:3

Yn uill oc t’ad er gheayrtey myr ushtey er dy chooilley heu dy Yerusalem: as cha row dooinney erbee dy oanluckey ad.

Ecclesiastes 12:5

Myrgeddin, tra vees aggle orroo dy hooyl er boayl ard, as atchim rhymboo ’sy raad, as bee’n billey-almond ny vlaa, as bee’n lheimeyder-faiyr ny errey, as nee geearree failleil; er-yn-oyr dy vel dooinney goll gys e hie foddey-farraghtyn, as ny trimshee dobberan ayns ny straïdyn.

Ecclesiastes 12:7

Eisht nee’n joan chyndaa reesht gys yn ooir, myr ve; as nee’n spyrryd chyndaa reesht gys Jee veih haink eh.

Ecclesiastes 6:3

Ga dy jinnagh dooinney keead lhiannoo y gheddyn, as e vea dy ve beayn son ymmodee bleeantyn, as ga dy darragh eh gys eash as ooashley yn chanstyr; ny-yeih mannagh vel yn annym echey jeant magh lesh foays e laboraght, as nagh vel wheesh boayl-oanluckee echey; ta mee gra, dy vel lhiannoo ruggit roish e hraa ny share na eh.

Isaiah 22:16

Cre t’ayd’s ayns shoh? as cre’n caardys t’ayd ayns shoh, dy vel oo ayns shoh er chleiy dhyt hene oaie, myr eshyn ta cleiy da hene lhiaght moyrnagh, as ta giarey ynnyd oanluckee da hene ayns y chreg?

Noo Mian 27:60

As doanluck eh eh ayns yn oaie noa echey hene, v’eh er chleiy ass y chreg: as rowl eh clagh vooar er beeal yn oaie, as jimmee eh roish.

Deuteronomy 4:22

Agh shegin dooys baase ’gheddyn ’sy cheer shoh, cha negin dou goll harrish Jordan, agh hed shiuish harrish, as possession y ghoaill jeh’n cheer mie shen.

1 Samuel 14:43

Eisht dooyrt Saul rish Jonathan, Insh dou, cre t’ou er n’yannoo. As dinsh Jonathan da, as dooyrt eh, Cha ren mee agh blashtyn jeh kuse fardalagh dy vill er baare y lorg v’ayns my laue, as cur-my-ner, ta mee dy hurranse baase.