Genesis 50:2 - Yn Vible Casherick 1775 1819

² As doardee Joseph da e harvaantyn ny fir-lhee, dy choyrt spiceyn er corp e ayrey [dy reayll eh veih loauys] as ren ny fir-lhee corp Israel y spiceal.

Genesis 50:2 ပူးပေါင်းရင်းမြစ်များ

Genesis 27:41

As va dwoaie ec Esau er Jacob, kyndagh rish y bannaght, lesh va e ayr er vannaghey eh: as dooyrt Esau ayns e chree, Ta laghyn dobberan son my ayr er-gerrey, eisht marr-ym my vraar Jacob.

Genesis 50:1

As chroym Joseph er eddin e ayrey as cheayn eh harrish, as phaag eh eh.

Genesis 50:26

Myr shoh hooar Joseph baase, as va e eash queig-feed as jeih bleeaney: as ren ad yn corp echey ’spiceal, ad v’eh er ny choyrt ayns coffin ayns Egypt.

2 Recortyssyn 16:14

As doanluck ad eh ’syn oaie, v’eh er n’yannoo da hene ayns ard-valley Ghavid, as hug ad eh ayns y lhiabbee, v’er ny lhieeney lesh soaryn miljey, as ymmodee sorch dy spiceyn jeant seose liorish schleï yn phothecary: as ren ad aile oanluckee mooar y yannoo er e hon.

Noo Mian 26:12

Son liorish dy vel ee er gheayrtey yn ooil shoh er my chorp, t’ee er n’yannoo eh cour my oanluckey.

Noo Mark 14:8

T’ee er n’yannoo gys rere e pooar; t’ee er jeet ro-laue dy ooilaghey my chorp cour my oanluckey.

Noo Mark 16:1

As tra va’n doonaght ec kione, va Moirrey Malaine, as Moirrey moir Yamys as Salome, er chionnaghey spiceyn millish, dy voddagh ad cheet dy ooilaghey eh.

Noo Luke 24:1

Nish er y chied laa jeh’n chiaghtin, eer ’sy vadran, haink ad gys yn oaie, cur lhieu ny spiceyn v’ad er gheddyn aarloo, as mraane elley mâroo.

Noo Ean 12:7

Eisht dooyrt Yeesey, Faag-jee veue ee: cour laa my oanluckey t’ee er reayll shoh.