Genesis 5:3 - Yn Vible Casherick 1775 1819

³ As va Adam shey-feed bleïn as jeih dy eash, as hooar eh mac ayns e chaslys hene, goll-rish hene; as ren eh genmys eh Seth.

Genesis 5:3 ပူးပေါင်းရင်းမြစ်များ

Genesis 4:25

As bione da Adam reesht e ven; as ren ee mac y ymmyrkey, as denmys ee eh Seth: son dooyrt ee, Ta Jee er choyrt dou lhiannoo elley, ayns ynnyd Abel, ren Cain y varroo.

Genesis 5:2

Fyrrynagh as bwoirrynagh chroo eh ad: as vannee eh ad, as denmys eh yn ennym oc Adam, er y laa v’ad er nyn groo.

Genesis 5:4

As va eash Adam lurg da Seth ve ruggit, hoght cheead bleïn. As va echey mec as inneenyn.

Lioar Yob 14:4

Quoi oddys red glen y chur lesh ass red neu-ghlen? cha vod fer erbee.

Lioar Yob 25:4

Cre’n saase eisht t’ee dooinney dy v’er ny heyrey roish Jee? ny kys oddys eshyn ve glen ta ben er ruggey?

Psalmyn 51:5

Cur-my-ner va mee er my chummey ayns olkys: as ayns peccah ren my voir m’y yiennaghtyn.

Noo Luke 1:35

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er-syrjey er ny skeayley harryd: shen-y-fa bee yn sluight chasherick shen ver oo son y theihll, enmyssit Mac Yee.

Noo Luke 3:36

Mac Cainan, mac Arphaxad, mac Sem, mac Noe, mac Lamech,

Noo Ean 3:6

Shen t’er ny ruggey jeh’n eill, te foalley; as shen t’er ny ruggey jeh’n Spyrryd, te spyrrydoil.

Romanee 5:12

Shen-y-fa, myr liorish un dooinney haink peccah stiagh ’sy theihll, as baase liorish peccah; as myr shen jimmee’n baase er dy chooilley ghooinney, son dy vel ooilley er n’yannoo peccah.

1 Corinthianee 15:39

Cha vel dy chooilley eill jeh’n un cheint; agh ta ayn un cheint dy eill dy gheiney, keint elley dy veïyn, keint elley dy eeastyn, as keint elley dy eeanlee.

1 Corinthianee 15:49

As ’naght myr ta shin er n’ymmyrkey co-chaslys yn dooinney thallooinagh, nee mayd myrgeddin gymmyrkey co-chaslys yn dooinney flaunyssagh.

Ephesianee 2:3

Ayndoo shoh ren shin ooilley myrgeddin baghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.