Genesis 5:29 - Yn Vible Casherick 1775 1819

²⁹ As ren eh genmys eh Noah, gra, Nee eh shoh shin y gherjaghey ayns nyn obbyr as tooilleil nyn laueyn, kyndagh rish y thalloo ta’n Chiarn er gheyrey:

Genesis 5:29 ပူးပေါင်းရင်းမြစ်များ

Genesis 5:28

As va Lamech nuy-feed bleïn as jees dy eash, as va mac echey.

Genesis 5:30

As lurg da Noah ve ruggit, va Lamech queig cheead bleïn as kiare-feed as queig-jeig, as va echey mec as inneenyn:

Genesis 7:23

As va dy chooilley nhee bio er ny stroie v’er eaghtyr y thallooin, chammah dooinney as baagh, as ny cretooryn snauee, as eeanlee yn aer; as v’ad er nyn stroie veih yn thalloo: as Noah, as adsyn va mârish ’syn arg va ynrycan faagit bio.

Genesis 9:24

As ghooisht Noah lurg y feeyn, as hooar eh fys cre va e vac saa er n’yannoo rish.

Isaiah 54:9

Son ta shoh dooys myr va thooilley Noah: son myr ta mee er vreearrey nagh ragh thooilley Noah ny smoo harrish yn seihll; myrgeddin ta mee er vreearrey nagh beign jymmoosagh dt’oï, ny cur oghsan dhyt.

Ezekiel 14:14

Ga dy beagh ny three deiney shoh, Noah, Daniel, as Job ayn, cha jinnagh ad livrey agh nyn anmeenyn hene liorish nyn gairys, ta’n Chiarn Jee dy ghra.

Ezekiel 14:20

Ga dy beagh Noah, Daniel, as Job ayn, myr ta mee bio, ta’n Chiarn Jee dy ghra, cha jean ad mac ny inneen y livrey; cha jean ad agh ny anmeenyn oc hene y livrey, liorish nyn gairys.

Noo Mian 24:37

Agh myr va laghyn Noe, myr shen myrgeddin vees cheet Mac y dooinney.

Noo Luke 3:36

Mac Cainan, mac Arphaxad, mac Sem, mac Noe, mac Lamech,

Romanee 8:20

Son va’n cretoor er ny injillaghey gys fardail, cha nee jeh e yoïn, agh kyndagh rishyn ren eh y injillaghey.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry-akin, greinnit lesh aggle, ren eh arg y hroggal dy hauail e lught-thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

1 Peddyr 3:20

Va roish nish mee-viallagh, tra ren surranse-foddey Yee farkiagh ayns laghyn Noah, choud as va’n arg dy hroggal; aynjee va beggan-beg, ta shen, hoght anmeenyn, er nyn sauail liorish ushtey.

2 Peddyr 2:5

As nagh ren sparail y chenn seihll, agh haue eh Noah yn hoghtoo phersoon, preachoor dy chairys, coyrt lesh y thooilley er y seihll dy vee-chrauee;