Genesis 5:1 - Yn Vible Casherick 1775 1819

¹ Shoh lioar sheelogheyn Adam. ’Sy laa ren Jee dooinney y chroo, ayns caslys Yee ren eh eshyn y chroo:

Genesis 5:1 ပူးပေါင်းရင်းမြစ်များ

Genesis 10:1

Nish ad shoh sheelogheyn vec Noah; Shem, Ham, as Japheth: as daue va mec er nyn ruggey lurg y thooilley.

Genesis 2:4

Shoh coontey jeh toshiaght ny niaughyn as y thalloo, tra v’ad er nyn groo, er y laa ren y Chiarn Jee yn thalloo as ny niaughyn y chroo,

Genesis 6:9

Ad shoh sheelogheyn Noah, va Noah ny ghooinney cairagh as ynrick ayns e heelogheyn: as ren Noah e vea y leeideil myr ayns fenish Yee.

1 Recortyssyn 1:1

Adam, Seth, Enosh,

Ecclesiastes 12:1

Cooinee nish er dty er-croo, ayns laghyn dty aegid, roish my jig ny laghyn seaghnagh, as ny bleeantyn tayrn er-gerrey, tra jir oo, Cha vel taitnys aym ayndoo.

Ecclesiastes 7:29

Cur-my-ner, shoh ynrycan ta mee er gheddyn, dy vel Jee er n’yannoo dooinney cairal; agh t’eh dy voirey eh-hene ayns ymmodee cooishyn kialgagh.

Noo Mian 1:1

Lioar sheeloghe Yeesey Creest, mac Ghavid, mac Abraham.

1 Corinthianee 11:7

Er son y dooinney dy jarroo cha lhisagh eh e chione y choodaghey, ayns wheesh as dy vel eh co-chaslys as gloyr Yee: agh ta’n ven gloyr y dooinney.

2 Corinthianee 3:18

Agh shinyn ooilley lesh eddin foshlit, cur-my-ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

Ephesianee 4:24

As cur-jee erriu yn dooinney noa, ta lurg Jee er ny chroo ayns ynrickys as craueeaght firrinagh.

Colossianee 3:10

As dy vel shiu er chur erriu yn dooinney noa, ta er ny yannoo ass-y-noa ayns tushtey, lurg y co-chaslys echeysyn ren eshyn y chroo.

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

Hebrewnee 12:9

Ny-sodjey, ta er ve ain ayraghyn dooghyssagh, dreill shin fo smaght, as hug shin arrym daue: nagh der mayd eisht foddey sleaie biallys da Ayr ny spyrrydyn, as ve bio?