Genesis 49:9 - Yn Vible Casherick 1775 1819

⁹ Ta Judah myr quallian y lion; veih’n spooilley, my vac, t’ou er n’gholl seose, chroym eh sheese, heeyn eh eh-hene myr lion; as myr shenn lion; quoi s’loys y ghoostey eh?

Genesis 49:9 ပူးပေါင်းရင်းမြစ်များ

1 Reeaghyn 10:20

As hass daa lion jeig ayns shen er dagh cheu er ny shey greeshyn: cha row y lheid jeant ayns reeriaght erbee.

2 Recortyssyn 9:18

As va shey greeshyn gys y stoyl-reeoil lesh stoyl-coshey dy airh, va jeant shickyr gys y stoyl-reeoil, as geayltyn er dagh cheu jeh’n ynnyd-soie, as daa lion nyn shassoo liorish ny geayltyn.

Ezekiel 19:5

Nish tra honnick ee dy row ee er farkiaght foddey, as dy row e treishteil ayns fardail, eisht ghow ee fer elley jeh ny quallianyn eck, as hrog ee eh son lion aeg.

Hosea 5:14

Son beem’s da Ephraim myr lion, as myr quallian y lion da thie Yudah: neem’s, dy jarroo neem’s raipey, as goll roym; goym lhiam ersooyl, as cha jean fer erbee eshyn y livrey.

Hosea 5:4

Cha jean ad lhiasaghey nyn ymmyrkey-bea, dy hyndaa gys y Jee oc: son ta’n spyrryd dy vaarderys nyn mastey, as cha vel enney er ve oc er y Chiarn.

Micah 5:8

As bee sluight Yacob mastey ny ashoonee ayns mean ymmodee pobble, myr lion mastey beïyn y cheyll, myr lion aeg mastey ny shioltaneyn keyrragh: ta chammah stampey sheese, as raipey ayns peeshyn myr t’eh goll, as cha vod fer erbee livrey.

Earrooyn 23:24

Cur-my-ner, nee’n pobble girree seose myr lion mooar, as troggal seose eh hene myr y lion aeg; cha lhie eh sheese, derrey vees eh er n’ee jeh’n chragh, as er n’iu fuill y varroo.

Earrooyn 24:9

Hie eh gys fea, lhie eh sheese myr lion, as myr lion aeg: quoi s’loys da eh y ghoostey? bannit t’eshyn ta dy dty vannaghey, as mollaghtagh t’eshyn ta gwee mollaght dhyt.

1 Corinthianee 15:24

Eisht ta’n jerrey cheet, tra vees eh er livrey seose yn reeriaght gys Jee, dy jarroo yn Ayr; erreish da v’er choyrt sheese dy chooilley reill, as dy chooilley ’torrity as pooar.

Deuteronomy 33:20

As mychione Gad dooyrt eh, Bannit t’eshyn, t’er vishaghey eiraght Ghad: t’eh cummal myr lion, as raipey’n clingan, as mullagh y chione.

Ashlish 5:5

As dooyrt fer jeh ny shanstyryn rhym. Ny jean keayney: cur-my-ner, ec Lion kynney Yudah, fraue Ghavid, ta pooar dy osley yn lioar, as dy eaysley ny shiaght sealyn eck.