Genesis 49:1 - Yn Vible Casherick 1775 1819

¹ As hug Jacob fys er e vec, as dooyrt eh, Tar-jee cooidjagh, dy voddym soilshaghey diu, shen ny ta kiarit dy heet erriu, ayns ny earishyn ta ry-heet.

Genesis 49:1 ပူးပေါင်းရင်းမြစ်များ

Psalmyn 105:15

Ny benn-jee rish my Er-ooilit: as ny jean-jee veg y skielley da my adeyryn.

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Isaiah 2:2

As hig eh gy-kione ayns ny laghyn jerrinagh, dy bee slieau thie yn Chiarn er ny hoiaghey er mullagh ny sleityn; as nee dy chooilley ashoon chionney stiagh huggey.

Isaiah 22:14

Agh ve er ny ockley ayns my chleayshyn liorish Chiarn ny flaunyssee, Son shickyrys cha bee shiu er ny heyrey veih’n vee-chairys shoh, derrey yiow shiu baase, ta’n Chiarn, Jee ny flaunyssee, dy ghra,

Isaiah 39:6

Cur-my-ner, hig ny laghyn, dy bee ooilley ny ta ayns dty hie, as ooilley tashtaghyn dty henn-ayryn gys y laa t’ayn jiu, er nyn goyrt lhieu ersooyl gys Babylon: cha bee nhee erbee faagit, ta’n Chiarn dy ghra.

Isaiah 48:14

Ooilley shiuish, chaggle-jee shiu hene cooidjagh, as clasht-jee: quoi eh ny mast’ oc t’er hoilshaghey ny reddyn shoh? Ta’n Chiarn er ve graihagh er: cooilleenee eh e aigney er Babylon, as bee e roih trome er ny Caldeanee.

Isaiah 53:1

Quoi ta er chredjal yn goo ain? as quoi gys ta roih yn Chiarn er ny hoilshaghey?

Jeremiah 23:20

Cha jean jymmoose yn Chiarn chyndaa, derrey t’eh jeant magh, as derrey t’eh er chooilleeney smooinaghtyn e chree: ayns ny laghyn jerrinagh bee slane toiggal eu jeh shoh.

Daniel 10:1

Ayns y trass vleïn jeh Cyrus ree Phersia, va folliaght er ny hoilshaghey da Daniel (va’n ennym echey Belteshazzar) as va’n chooish firrinagh, agh va’n traa er y hon foddey ry-heet, as hoig eh yn chooish, as va tushtey echey jeh’n ashlish.

Daniel 10:14

Nish ta mee er jeet dy hoilshaghey dhyt, cre haghyrys da dty phobble ayns ny laghyn jerrinagh: son ta’n ashlish cour ymmodee laghyn foast ry-heet.

Daniel 2:47

Dreggyr y ree Daniel, as dooyrt eh, Ta’n Jee euish son shickyrys Jee dy yeeghyn, as Chiarn er reeaghyn, as soilsheyder folliaghtyn, fakin dy row uss son y folliaght shoh y hoilshaghey.

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.

Micah 4:1

Agh ayns ny laghyn jerrinagh hig eh gy-kione, dy bee slieau thie yn Chiarn er ny hoiaghey seose erskyn yrjid ny sleityn elley, as bee eh er ny hroggal erskyn ny croink, as nee yn pobble lhieeney huggey.

Earrooyn 24:14

As cur-my-ner, ta mee nish goll gys my phobble hene, tar, er-y-fa shen, as soilshee-ym dhyt, cre nee’n pobble shoh rish y pobble ayd’s, ayns ny earishyn ta ry-heet.

Noo Luke 2:26

As ve er ny hoilshaghey da liorish y Spyrryd Noo, nagh noghe eh baase, roish da v’er vakin Creest yn Chiarn.

Jannoo 2:17

As hig eh gy-kione ayns ny laghyn jerrinagh (ta Jee gra) dy deayrt-yms magh jeh my Spyrryd er dy chooilley eill: as nee ny mec as ny inneenyn eu phadeyrys, as nee ny deiney aegey eu ashlishyn y akin, as ny shenn gheiney eu dreamallyn y ghreamal:

Deuteronomy 31:12

Chaggil yn pobble cooidjagh, deiney, as mraane, as cloan, as y joarree t’er cheu-sthie jeh dty yiattyn, dy vod ad clashtyn, as dy vod ad gynsaghey, as aggle ghoaill roish y Chiarn nyn Yee, as ve tastagh dy yannoo ooilley goan y leigh shoh:

Deuteronomy 4:30

As tra t’ou ayns seaghyn, as tra hig ooilley ny reddyn shoh ort, ayns ny laghyn jerrinagh, my nee oo chyndaa gys y Chiarn dty Yee, as ve biallagh da e choraa:

1 Timothy 4:1

Nish ta’n Spyrryd ginsh dy plain, dy jean paart ayns ny laghyn s’jerree tuittym veih’n chredjue, coyrt geill da spyrrydyn molteyragh, as ynsagh drogh-spyrrydyn;

2 Timothy 3:1

Toig shoh myrgeddin, ayns ny laghyn jerrinagh dy jig traaghyn seaghnagh.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phointeil ny eirey er dy chooilley nhee, liorish myrgeddin chroo eh ny seihllyn.

Hebrewnee 13:1

Lhig da graih braaragh tannaghtyn.

Ashlish 4:1

Lurg shoh yeeagh mee, as cur-my-ner, va dorrys er ny osley ayns niau: as va’n chied choraa cheayll mee, myr dy beagh eh cayrn taggloo rhym; dooyrt rhym, Tar seose gys shoh, as jeeagh-ym dhyt reddyn shegin ve ny lurg shoh.