Genesis 48:9 - Yn Vible Casherick 1775 1819

⁹ As dooyrt Joseph rish e ayr, Ny mec aym’s ad, ta Jee er choyrt dou ’syn ynnyd shoh: as dooyrt eh, Cur lhiat ad, ta mee guee ort, hym’s, as ver-ym my vannaght daue.

Genesis 48:9 ပူးပေါင်းရင်းမြစ်များ

Genesis 27:4

As aarlee bee blaystal dou, lheid as shinney lhiam, as cur roym eh, dy voddym gee; dy vod m’annym uss y vannaghey, my voym baase.

Genesis 30:2

As va corree Yacob er ny vrasnaghey noi Rachel, as dooyrt eh, Vel mish ayns ynnyd Yee, t’er vreaylley voïd mess y vreïn?

Genesis 33:5

As hrog eh seose e hooillyn, as honnick eh ny mraane as y chloan; as dooyrt eh, Quoi ad shen mayrt? As dooyrt eh, Yn chloan ta Jee dy graysoil er choyrt da dty harvaant.

Genesis 49:28

Ad shoh ooilley daa hribe jeig Israel; as shoh eh, ny loayr nyn ayr roo, as vannee eh ad; cordail rish e vannaght er-lheh, vannee eh dagh unnane oc.

1 Recortyssyn 25:5

Ad shoh ooilley va mec Heman fakyder y ree ayns goan Yee, dy hroggal seose e choraa dy ard. As hug Jee da Heman kiare mec jeig as three inneenyn.

Psalmyn 127:3

Cha vel eh agh obbyr caillit dy vel shiu ayns siyr dy irree dy moghey, as cha anmagh goaill fea, as gee yn arran dy imnea: son shen myr t’eh coyrt cadley dauesyn shinney lesh.

Isaiah 8:18

Cur-my-ner, ta mish, as my chloan ta’n Chiarn er chur dou, son cowraghyn as yindyssyn ayns Israel: veih Chiarn ny flaunyssee, ta cummal ayns cronk Sion.

Deuteronomy 33:1

As shoh’n bannaght, lesh ren Moses dooinney Yee, cloan Israel y vannaghey, roish e vaase.

Hebrewnee 11:21

Liorish credjue ren Jacob tra v’eh er y lhiabbee-vaaish, daa vac Yoseph y vannaghey; as hug eh ooashley, croymmey er kione e lorg.

1 Samuel 1:20

Shen-y-fa haink eh gy-kione, lurg da Hannah v’er yientyn, as y traa eck er jeet, dy ren ee mac y ymmyrkey, as denmys ee eh Samuel, gra, Er-yn-oyr dy vel mee er yeearree eh veih’n Chiarn.

1 Samuel 1:27

Son y lhiannoo shoh va my aghin; as ta’n Chiarn er chooilleeney my yeearree: