Genesis 48:5 - Yn Vible Casherick 1775 1819

⁵ As nish er son dty ghaa vac, Ephraim as Manasseh, va ruggit dhyt ayns cheer Egypt, roish my daink mish hood gys Egypt, she lhiam’s ad: myr Reuben as Simeon, bee ad lhiam’s.

Genesis 48:5 ပူးပေါင်းရင်းမြစ်များ

Genesis 46:20

As da Joseph, ayns cheer Egypt, va ruggit Manasseh as Ephraim, ren Asenath inneen Potipherah, prince jeh On gymmyrkey da.

Genesis 48:1

As haink eh gy-kione lurg ny reddyn shoh, dy row eh er ny insh da Joseph, Cur-my-ner, ta dty ayr ching: as ghow eh marish e ghaa vac, Manasseh as Ephraim.

Genesis 48:6

As dty luight, nee uss y gheddyn ny lurg oc, lhiat’s vees ad, as bee ad er n’enmys lurg ennym nyn mraaraghyn ayns yn eiraght oc.

Psalmyn 77:16

Honnick ny ushtaghyn oo, O Yee, honnick ny ushtaghyn oo, as v’ad agglit: ny diunidyn myrgeddin v’ad er nyn seiy.

Isaiah 43:1

Agh nish, ta’n Chiarn ren dty chroo gra, O Yacob, as eshyn ren dty chummey, O Israel, Ny bee aggle ort; son ta mee er dty eaysley; t’ou uss enmyssit orrym’s, t’ou uss lhiam’s.

Ezekiel 16:8

Nish tra hie mee shaghyd, as tra yeeagh mee ort, cur-my-ner v’ou ec eash lowal-poosee, as ren mee dty phoosey, as choodee mee dty nearey, dy feer, hug mee dhyt my vreearrey, as ren mee conaant rhyt, ta’n Chiarn Jee dy ghra, as haink oo dy ve lhiam pene.

Ezekiel 47:13

Myr shoh ta’n Chiarn Jee dy ghra, Shoh vees yn chagliagh, liorish nee shiu goaill yn cheer ayns eiraght, cordail rish daa hribe jeig Israel: bee daa ayrn ec Joseph.

Leviticus 20:26

As bee shiu casherick dooys: son mish y Chiarn, ta casherick, as er scarrey shiu veih dy chooilley phobble elley, dy vod shiu ve lhiam pene.

Malachi 3:17

As bee ad lhiam’s, ta’n Chiarn, Jee ny flaunyssee, dy ghra, er y laa ta mee jannoo seose my chooid chostal, as beem’s erreeishagh daue, myr ta dooinney erreeishagh da e vac, ta shirveish eh.

Earrooyn 1:10

Jeh cloan Yoseph: Jeh Ephraim, Elishama mac Ammihud; jeh Manasseh, Gamaliel mac Pedahzur.

2 Corinthianee 6:18

As beem’s my Ayr diuish, as bee shiuish ny mec as ny inneenyn aym’s, ta’n Chiarn Ooilley-niartal dy ghra.

Ephesianee 1:5

T’er chiarail shin gys doltanys cloan liorish Yeesey Creest da hene, cordail rish taitnys e aigney-mie hene,

Hebrewnee 11:21

Liorish credjue ren Jacob tra v’eh er y lhiabbee-vaaish, daa vac Yoseph y vannaghey; as hug eh ooashley, croymmey er kione e lorg.

Joshua 13:7

Nee oo eisht rheynn y cheer shoh son eiraght er ny nuy tribeyn, as lieh-tribe Vanasseh.

Joshua 14:4

Son va cloan Yoseph daa hribe, Manasseh as Ephraim; agh cha dug ad ayrn erbee ’sy cheer da ny Leviteyn, er-lhimmey jeh ard-valjyn dy chummal ayndoo, lesh ny gleebyn va bentyn roo son nyn maase as son nyn gooid.