Genesis 48:22 - Yn Vible Casherick 1775 1819

²² Ta mee myrgeddin er choyrt dhyt chooid-ronney sodjey, erskyn dty vraaraghyn, ghow mee ass laue yn Amorite lesh my chliwe, as lesh my vhow.

Genesis 48:22 ပူးပေါင်းရင်းမြစ်များ

Genesis 15:16

Agh ayns y chiarroo heeloghe hig ad gys shoh reesht: son cha vel mee-chraueeaght ny Amoriteyn foast er jeet gys yn yrjid.

Genesis 33:19

As chionnee eh peesh dy halloo, raad skeayl eh e chabbane, veih laue chloan Hamor, ayr Shechem, son keead peesh dy argid.

Genesis 34:28

As ghow ad ny kirree as ny dew, as ny assylyn oc, as shen ny v’ayns yn ard-valley, as shen ny v’ayns y vagher.

1 Recortyssyn 1:14

Yn Jebusite myrgeddin, as yn Amorite, as y Girgashite,

1 Recortyssyn 5:2

As ghow Judah raad jeh e vraaraghyn, as jehsyn haink yn ard-er-reill; agh va cairys yn eiraght lesh Joseph:)

Ezekiel 47:13

Myr shoh ta’n Chiarn Jee dy ghra, Shoh vees yn chagliagh, liorish nee shiu goaill yn cheer ayns eiraght, cordail rish daa hribe jeig Israel: bee daa ayrn ec Joseph.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Noo Ean 4:5

Eisht haink eh gys ard-valley dy Samaria, ta enmyssit Sychar, er-gerrey da’n pheesh dy halloo hug Jacob da e vac Joseph.

Deuteronomy 21:17

Agh nee eh goaill rish y mac eck’s sloo bynney lesh, dy ve yn eirey, liorish coyrt da ayrn dooble jeh ooilley ny t’echey: son toshiaght e niart eh: ta cairys eiraght echey.

Joshua 24:32

As craueyn Yoseph, hug cloan Israel lhieu seose ass Egypt, ren ad y oanluckey ayns Shechem, ayns y pheesh dy ghrunt chionnee Jacob veih mec Hamor, ayr Shechem, son keead peesh dy argid: as haink eh dy ve eiraght cloan Yoseph.

Briwnyn 11:23

Shoh myr ta’n Chiarn Jee Israel er choyrt ass possession ny Amoriteyn roish e phobble Israel; as cre’n chairys t’ayd’s ayn eisht?