Genesis 48:21 - Yn Vible Casherick 1775 1819

²¹ As dooyrt Israel rish Joseph, Cur-my-ner, ta my vaase er-gerrey: agh bee Jee mêriuish, as ver eh lesh shiu reesht gys cheer nyn ayraghyn.

Genesis 48:21 ပူးပေါင်းရင်းမြစ်များ

Genesis 12:5

As ghow Abram Sarai e ven, as Lot mac e vraarey, as ooilley yn chooid v’ad er jymsaghey, as y chloan v’eh er gheddyn ayns Haran: as hrog ad orroo dy gholl gys cheer Chanaan, as gys cheer Chanaan haink ad.

Genesis 15:14

As myrgeddin yn ashoon, foue vees ad ayns bondiaght, neem’s y vriwnys: as ny lurg shen hig ad magh lesh mooarane cooid.

Genesis 15:16

Agh ayns y chiarroo heeloghe hig ad gys shoh reesht: son cha vel mee-chraueeaght ny Amoriteyn foast er jeet gys yn yrjid.

Genesis 26:3

Cum ’sy cheer shoh, as beem’s mayrt, as nee’m uss y vannaghey: son dhyt’s, as da dty luight ver-yms ooilley ny cheeraghyn shoh, as neem’s cooilleeney yn breearrey, loo mee da Abraham dty ayr.

Genesis 28:15

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

Genesis 37:1

As ren Jacob cummal ayns cheer yoarreeaght e ayrey, ayns cheer Chanaan.

Genesis 46:4

Hem’s sheese mayrt gys Egypt; as son shickyrys, ver-yms lhiam oo myrgeddin seose reesht: as nee laueyn Yoseph dy hooillyn y yeigh [ec dty vaase:]

Genesis 47:29

As hayrn y traa er-gerrey dy row Israel dy gheddyn baase, as hug eh fys er e vac Joseph, as dooyrt eh rish, My ta mee nish er gheddyn foayr ayns dty hilley, cur, ta mee guee ort, dty laue fo my lheayst, as jean dellal dy dooie as dy firrinagh rhym: ny jean mish y oanluckey, ta mee guee ort, ayns Egypt.

Genesis 50:24

As dooyrt Joseph rish e vraaraghyn, Ta my vaase er-gerrey: as nee Jee son shickyrys jeeaghyn erriu, as ver eh lesh shiu ass y cheer shoh, gys y cheer yiall eh liorish breearrey da Abraham, da Isaac, as Jacob.

Genesis 50:6

As dooyrt Pharaoh, Immee seose, as jean dt’ayr y oanluckey, cordail rish y breearrey t’ou er ghoaill.

Psalmyn 18:46

Nee’n chloan yoarree failleil: as bee ad agglagh ayns ny ynnydyn follit oc.

Noo Luke 2:29

Hiarn nish t’ou cur kied da dty harvaant paartail ayns shee, cordail rish dty ghoo.

Jannoo 13:36

Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Deuteronomy 30:3

Dy jean y Chiarn dty Yee chyndaa dty chappeeys, as bee chymmey echey ort, as nee eh meiyghey, as chaglym shiu ass dy chooilley ashoon, nyn vud ta’n Chiarn dty Yee er dty skeayley.

Deuteronomy 31:8

As y Chiarn hene ta dty leeideilagh, bee eh mayrt, cha vaill eh, ny cha treig eh oo: ny bee aggle ort, as ny lhig dty chree voïd.

2 Timothy 4:6

Son ta mee nish jannoo aarloo dy ve er my hebbal, as ta traa my vaaish er-gerrey.

Hebrewnee 7:3

Gyn ayr, gyn moir, gyn kynney, nagh row echey edyr toshiaght laghyn, ny jerrey bea; agh jeant casley rish Mac Yee, t’eh tannaghtyn ny haggyrt kinjagh [son dy bragh.]

Hebrewnee 7:8

As ayns shoh ta deiney giare-heihllagh goaill jagheenyn: agh ayns shen t’eshyn geddyn ad, da ta feanish er ny ymmyrkey dy vel eh bio.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 23:14

As cur-jee my-ner, ta mee nish goll raad ooilley’n seihll, as ta fys eu ayns ooilley nyn greeaghyn, as nyn anmeenyn, nagh vel nhee erbee er vailleil jeh ooilley ny reddyn mie ta’n Chiarn nyn Yee er loayrt mychione eu; t’ad ooilley er jeet gys kione, as cha vel red hene jeu nagh vel cooilleenit.

Joshua 3:7

As dooyrt y Chiarn rish Joshua, Jiu nee’m toshiaght dy yannoo uss ooasle ayns shilley ooilley Israel, dy vod fys ve oc, myr va mee marish Moses, myr shen dy bee’m mayrt’s.

2 Peddyr 1:14

Toiggal dy nhegin dou dy gerrit cur jee’m shoh my chabbane, dy jarroo myr ta nyn Jiarn Yeesey Creest er hoilshaghey dou.