Genesis 48:2 - Yn Vible Casherick 1775 1819

² As dinsh ad da Jacob, gra, Cur-my-ner ta dty vac Joseph, cheet dy dty yeeaghyn: as hrog shoh cree Israel, dy hoie eh seose ’sy lhiabbee.

Genesis 48:2 ပူးပေါင်းရင်းမြစ်များ

Genesis 48:1

As haink eh gy-kione lurg ny reddyn shoh, dy row eh er ny insh da Joseph, Cur-my-ner, ta dty ayr ching: as ghow eh marish e ghaa vac, Manasseh as Ephraim.

Genesis 48:3

As dooyrt Jacob, Hoilshee Jee ooilley-niartal eh hene dooys ec Luz, ayns cheer Chanaan, as vannee eh mee.

Nehemiah 2:18

Eisht dinsh mee daue jeh laue vie my Yee, va mârym, as myrgeddin ny goan va’n ree er loayrt rhym. As dooyrt ad, Irree-jee as lhig dooin troggal. Er shoh ren ad niartaghey ny laueyn oc, son yn obbyr vie shoh.

Psalmyn 41:3

Dy jean y Chiarn eh y gherjaghey tra t’eh ny lhie dy ching er e lhiabbee: jean uss ooilley e lhiabbee ayns e hingys.

Raaghyn Creeney 23:15

My vac, my ta creenaght ayns dty chree, gowee my chree’s boggey, eer my chree hene.

Ephesianee 6:10

Er-jerrey, my vraaraghyn, bee-jee niartal ayns y Chiarn, as ayns pooar e hroshid.

Deuteronomy 3:28

Agh cur currym da Joshua, as cur cree ayn, as niartee eh; son nee eshyn leeideil y pobble shoh harrish, as ver eh eiraght daue ’sy cheer, yiow shilley jeh.

1 Samuel 23:16

As hie Jonathan mac Saul gys David ’sy cheyll, as ren eh e laue y niartaghey ayns Jee.