Genesis 48:16 - Yn Vible Casherick 1775 1819

¹⁶ Yn ainle ren mish y livrey veih dy chooilley olk, dy bannee eh ny scollagyn; as lhig m’ennym’s ve orroo, as ennym m’ayraghyn Abraham as Isaac: as lhig daue bishaghey gys earrooyn dy leih, ayns mean y theihll.

Genesis 48:16 ပူးပေါင်းရင်းမြစ်များ

Genesis 22:11

As ren ainle y Chiarn geamagh da veih niau, as dooyrt eh, Abraham, Abraham. As dreggyr eh, Ta mee ayns shoh.

Genesis 22:15

As deïe ainle y Chiarn da Abraham veih niau, yn nah cheayrt,

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Genesis 46:3

As dooyrt eh, Mish Jee, Jee dty ayrey: ny bee aggle ort dy gholl sheese gys Egypt; son neem’s jeed’s ayns shen ashoon mooar.

Genesis 48:5

As nish er son dty ghaa vac, Ephraim as Manasseh, va ruggit dhyt ayns cheer Egypt, roish my daink mish hood gys Egypt, she lhiam’s ad: myr Reuben as Simeon, bee ad lhiam’s.

Genesis 49:22

Ta Joseph ny vanglane messoil, eer ny vanglane messoil liorish chibbyr; ta ny banglaneyn echey skeayley harrish y voalley.

2 Samuel 4:9

As dreggyr David Rechab as Baanah e vraar, mec Rimmon yn Beerothite, as dooyrt eh roo, Myr ta’n Chiarn bio, t’er livrey m’annym veih dy chooilley arkys,

1 Reeaghyn 1:29

As ren y ree loo, as gra, Myr ta’n Chiarn bio, t’er livrey my annym ass dy chooilley arkys,

2 Recortyssyn 7:14

My nee my phobble ta enmyssit orrym, ad-hene y injillaghey, as padjer y yannoo, as shirrey my eddin, as chyndaa veih nyn ghrogh raaidyn: eisht ver-ym clashtyn veih niau, as neem’s yn peccah oc y leih, as slaanee-ym yn cheer.

Psalmyn 121:7

Nee’n Chiarn uss y choadey veih dy chooilley olk: dy jarroo eshyn eh nee dty annym y reayll.

Psalmyn 34:2

Bee m’annym boggyssagh ayns y Chiarn: nee’n sleih imlee clashtyn jeh shen, as bee ad gennal.

Psalmyn 34:22

Ta’n Chiarn cur feaysley da anmeenyn e harvaantyn: as adsyn ooilley ta cur nyn marrant ersyn, cha bee ad er nyn dreigeil.

Psalmyn 34:7

Ta ainle y Chiarn freayll arrey mygeayrt-y-moosyn ta goaill aggle roish: as dy livrey ad.

Psalmyn 34:8

O blasht-jee, as jeeagh-jee, cre cha graysoil ta’n Chiarn: bannit yn dooinney ta coyrt e varrant ersyn.

Exodus 1:7

As va cloan Israel sluightoil, as ren ad bishaghey dy mooar, as daase ad ayns earroo, as haink ad dy ve erskyn-towse pooaral: as lhieen ad y cheer.

Isaiah 47:4

Er son y Fer-kionnee ain, ta’n ennym echey Chiarn ny flaunyssee, Jee casherick Israel.

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Jeremiah 14:9

Cre’n-fa veagh oo myr dooinney fo atchim, myr dooinney lajer t’er choayl e vree? foast t’ou uss, O Hiarn, ny mast’ ain, as ort’s ta shin enmyssit; ny treig shin.

Jeremiah 15:21

As livrey-ym oo ass laue ny mee-chrauee, as nee’m oo y eaysley veih pooar ny tranlaasee dewilley.

Amos 9:12

Dy vod ad freayll ayns nyn gummal fooilliagh Edom, as ooilley ny ashoonee ta enmyssit orrym’s, ta’n Chiarn dy ghra, ta jannoo shoh.

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Earrooyn 1:46

Eer adsyn ooilley v’er nyn earroo, v’ad shey cheead thousane as three thousaneyn as queig cheead as jeih as da-eed.

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.

Noo Ean 17:15

Cha vel mee guee ort dy ghoaill ad ass y theihll, agh oo dy reayll ad veih’n olk.

Jannoo 15:17

Dy vod y Chiarn v’er ny hirrey magh liorish y chooid elley jeh deiney [Israel] as liorish ooilley ny Ashoonee, ta enmyssit orrym, ta’n Chiarn gra, ta jannoo dy chooilley nhee jeu shoh.

Romanee 8:23

As cha nee adsyn ny-lomarcan, agh shin hene myrgeddin, ainyn ta’n chied-vess jeh’n Spyrryd, dy jarroo ta shinyn shin hene osnaghey cheu-sthie j’in hene, farkiagh son y doltanys, ta shen, livrey-ys nyn gallinyn.

1 Corinthianee 10:4

As ren ad ooilley giu yn jough spyrrydoil cheddin: (son ren ad giu jeh’n Chreg spyrrydoil shen deiyr orroo; as y Chreg shen va Creest.)

1 Corinthianee 10:9

Chamoo lhig dooin Creest y vrasnaghey, myr ren paart jeusyn myrgeddin brasnaghey, as v’ad er nyn stroie liorish ard-nieughyn.

Deuteronomy 28:10

As nee ooilley ashoonyn y theihll fakin, dy vel oo er dty enmys er y Chiarn, as bee aggle orroo royd.

Deuteronomy 33:17

Ta’n aalid echey myr y reih dow aeg, as ta e eairkyn myr eairkyn ny unicornyn: as lhieusyn nee eh’n pobble y phuttey dy cheilley, gys ny ardjyn sodjey magh; ad shoh ny jeih thousaneyn dy Ephraim, as ad shoh thousaneyn Vanasseh.

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh; huggey dy row gloyr son dy bragh as dy bragh. Amen.

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

Hebrewnee 11:21

Liorish credjue ren Jacob tra v’eh er y lhiabbee-vaaish, daa vac Yoseph y vannaghey; as hug eh ooashley, croymmey er kione e lorg.

Joshua 17:17

As loayr Joshua rish thie Yoseph, ta shen rish Ephraim as rish Manasseh, gra, T’ou uss dty phobble mooar as niartal; cha bee oo currit jeh ynrycan lesh un chronney: