Genesis 48:14 - Yn Vible Casherick 1775 1819

¹⁴ As heeyn Israel magh e laue yesh, as lhie eh eh er kione Ephraim, va’n er saa, as e laue chiare er kione Manasseh; leeideil e laueyn dy tastagh; son Manasseh va’n er shinney.

Genesis 48:14 ပူးပေါင်းရင်းမြစ်များ

Genesis 41:51

As denmys Joseph yn fer shinney Manasseh: son ta Jee, dooyrt eh, er chur orrym jarrood ooilley my hooilleil, as ooilley my heaghyn ayns thie my ayrey.

Genesis 41:52

As denmys eh yn nah er Ephraim: son ta Jee er chur orrym ve messoil ayns cheer my heaghyn.

Genesis 46:20

As da Joseph, ayns cheer Egypt, va ruggit Manasseh as Ephraim, ren Asenath inneen Potipherah, prince jeh On gymmyrkey da.

Genesis 48:13

As ghow Joseph ad nyn-neesht, Ephraim ’sy laue yesh, gys laue chiare Israel; as Manasseh ’sy laue chiare, gys laue yesh Israel, as hug eh lesh ad er-gerrey da.

Genesis 48:17

As tra honnick Joseph, dy dug e ayr e laue yesh er kione Ephraim, cha by-laik lesh eh: as hrog eh seose laue e ayrey, dy scughey eh veih kione Ephraim gys kione Manasseh.

Genesis 48:18

As dooyrt Joseph rish e ayr, Cha nee myr shen, m’ayr: son eh shoh yn fer shinney; cur dty laue yesh er y chione echeysyn.

Psalmyn 110:1

Dooyrt y Chiarn rish my Hiarn’s: Soie uss er my laue yesh, derrey nee’m dty noidyn y yannoo stoyl dty choshey.

Psalmyn 118:16

Ta laue yesh y Chiarn erskyn ooilley: ta laue yesh y Chiarn cur lesh reddyn yindyssagh mygeayrt.

Exodus 15:6

Ta dty laue yesh, O Hiarn, er ve gloyroil ayns pooar: ta dty laue yesh, O Hiarn, er vroo yn noid dy myn.

Earrooyn 2:18

Er y cheu-heear vees cullee champ Ephraim, cordail rish ny armeeyn oc: as captan mec Ephraim vees Elishama mac Ammihud;

Earrooyn 8:10

As ver oo lhiat ny Leviteyn roish y Chiarn, as ver cloan Israel nyn laueyn er ny Leviteyn:

Earrooyn 8:18

As ta mee er ghoaill ny Leviteyn ’syn ynnyd ocsyn ta hoshiaght-ruggit jeh cloan Israel.

Noo Mian 16:18

As ta mee myrgeddin gra rhyt, Dy nee uss Peddyr, as dy nee er y chreg shoh trog-ym’s my agglish: as cha vow giattyn niurin yn varriaght urree.

Noo Mian 19:13

Eisht hug ad lhieu huggey cloan veggey, dy chur e laueyn orroo, as dy vannaghey ad: as hug e ostyllyn oghsan daue.

Noo Mian 19:15

As hug eh e laueyn orroo, as jimmee eh veih shen.

Noo Mian 6:5

As tra vees oo goaill padjer, cha jean oo myr ny crauee-oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er-chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Luke 13:13

As hug eh e laueyn urree; as er-y-chooyl v’ee er ny yannoo jeeragh, as ren ee Jee y ghloyraghey.

Noo Luke 4:40

Nish ec lhie ny greïney, whilleen as va sleih chingey oc fo mooarane doghanyn, hug ad lhieu ad huggey; as hug eh e laueyn er dy chooilley unnane oc, as ren eh ad y lheihys.

Jannoo 13:3

As tra v’ad er hrostey as er ghoaill padjer, as er lhie nyn laueyn orroo, hug ad ad ersooyl.

Jannoo 6:6

Ad shoh hoie ad kiongoyrt rish ny ostyllyn: as tra v’ad er ghoaill padjer, hug ad nyn laueyn orroo.

Deuteronomy 34:9

As va Joshua mac Nun lane jeh’n spyrryd dy chreenaght: son va Moses er lhie e laueyn er: as va cloan Israel ayns biallys da, as ren ad myr va’n Chiarn er harey da Moses.

1 Timothy 4:14

Ny bee mee-rioosagh jeh’n ghioot t’aynyd, va er ny chur dhyt liorish phadeyrys, tra hie oo fo laueyn ny shirveishee casherick.

1 Timothy 5:22

Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.