As dirree ooilley e vec, as ooilley e inneenyn dy gherjaghey eh; agh dob eh dy ve er ny gherjaghey: as dooyrt eh; Son hem’s sheese ’syn oaie gys my vac, lesh trimshey. Shoh myr ren e ayr dobberan er e hon.
As dooyrt Jacob nyn ayr roo, Mish ta shiu er roostey jeh my chloan: cha vel Joseph er-mayrn, as cha vel Simeon aym: as nee shiu Benjamin y ghoaill voym: ta ooilley ny reddyn shoh m’oï.
Nish va sooillyn Israel moal lesh eash, myr shen nagh b’leayr da dy mie; as hug eh lesh ad er-gerrey da; as phaag eh ad, as ghow eh ad ayns e roihaghyn.