Genesis 48:10 - Yn Vible Casherick 1775 1819

¹⁰ Nish va sooillyn Israel moal lesh eash, myr shen nagh b’leayr da dy mie; as hug eh lesh ad er-gerrey da; as phaag eh ad, as ghow eh ad ayns e roihaghyn.

Genesis 48:10 ပူးပေါင်းရင်းမြစ်များ

Genesis 27:1

As haink eh gy-kione, tra va Isaac shenn, as e hoilshey moal, myr shen nagh row eh fakin, dy deïe eh er Esau e vac shinney, as dooyrt eh rish, My vac, As dreggyr eh, Cur-my-ner, ta mee ayns shoh.

Genesis 27:27

As haink eh er-gerrey, as phaag eh eh: as dennee eh soar e choamrey, as vannee eh eh, as dooyrt eh, Cur-my-ner, ta soar my vac myr soar magher, ta’n Chiarn er vannaghey.

Genesis 31:55

As dirree Laban seose dy moghey, as phaag eh e vec as e inneenyn, as vannee eh ad: as jimmee Laban roish, as hyndaa eh reesht gys e chummal hene.

Genesis 45:15

Phaag eh myrgeddin ooilley e vraaraghyn, as cheayn eh mâroo: as ny lurg shen, ren e vraaraghyn taggloo rish.

Genesis 48:11

As dooyrt Israel rish Joseph, Cha smooinee mee d’akin dt’eddin: as cur-my-ner, ta Jee er yeeaghyn dou dty luight myrgeddin.

Genesis 48:8

As yeeagh Israel er mec Yoseph, as dooyrt eh, Quoi ad shoh?

1 Reeaghyn 19:20

As daag eh ny dew, as roie eh geiyrt er Elijah, as dooyrt eh, Lhig dou, ta mee guee ort, paagey my ayr as my voir, as eisht eiyr-ym ort’s. As dooyrt eh rish, Immee back reesht; agh cooinee cre ta mee er n’yannoo rhyt.

Ecclesiastes 12:3

Ayns y laa tra vees cummaltee yn thie er-creau, as dy jean ny deiney lajer croymmey, as nee ny beihlleyderyn scuirr, er-yn-oyr dy vel ad beggan, as bee adsyn ayns dorraghys ta jeeaghyn magh er ny uinniagyn,

Isaiah 59:1

Cur-my-ner, cha vel laue yn Chiarn er n’aase giare, nagh vod eh sauail; chamoo ta e chleaysh moal, nagh vod eh clashtyn:

Isaiah 6:10

Bee cree yn phobble shoh jeant roauyr, as bee far-chlashtyn ayns nyn gleayshyn, as nee ad jeigh nyn sooillyn; er-aggle dy vaik ad lesh nyn sooillyn, as dy glin ad lesh nyn gleayshyn, as dy doig ad lesh nyn gree, as dy bee ad er nyn jyndaa, as er nyn lheihys.

Deuteronomy 34:7

As va Moses shey-feed bleïn d’eash tra hooar eh baase; cha row e hooill moal, chamoo v’eh er choayl e lheihll.

1 Samuel 3:2

As haink eh gy-kione ec y traa shen, tra va Eli er lhie sheese dy ghoaill fea, as dy row e hoilshey cha moal, nagh voddagh eh fakin;

1 Samuel 4:15

Nish va Eli kiare-feed as hoght bleeaney jeig dy eash; as va e hooillyn moal, nagh voddagh eh fakin.