Genesis 48:1 - Yn Vible Casherick 1775 1819

¹ As haink eh gy-kione lurg ny reddyn shoh, dy row eh er ny insh da Joseph, Cur-my-ner, ta dty ayr ching: as ghow eh marish e ghaa vac, Manasseh as Ephraim.

Genesis 48:1 ပူးပေါင်းရင်းမြစ်များ

Genesis 46:20

As da Joseph, ayns cheer Egypt, va ruggit Manasseh as Ephraim, ren Asenath inneen Potipherah, prince jeh On gymmyrkey da.

Genesis 48:2

As dinsh ad da Jacob, gra, Cur-my-ner ta dty vac Joseph, cheet dy dty yeeaghyn: as hrog shoh cree Israel, dy hoie eh seose ’sy lhiabbee.

Genesis 48:5

As nish er son dty ghaa vac, Ephraim as Manasseh, va ruggit dhyt ayns cheer Egypt, roish my daink mish hood gys Egypt, she lhiam’s ad: myr Reuben as Simeon, bee ad lhiam’s.

Genesis 50:23

As honnick Joseph cloan Ephraim, jeh’n trass heeloghe: myrgeddin va cloan Vachir, mac Vanasseh, troggit seose er glioonyn Yoseph.

2 Reeaghyn 13:14

Nish va Elisha ching jeh e hingys baaish. As haink Joash ree Israel sheese huggey, as cheayn eh harrish, as dooyrt eh, O my ayr! fainagh Israel, as ny markee echey!

2 Reeaghyn 13:20

As hooar Elisha baase, as doanluck ad eh. As ren sheshaghtyn ny Moabiteyn brishey stiagh ’sy cheer ec toshiaght ny bleeaney.

Lioar Yob 42:16

Ny lurg shoh va Job bio shiaght-feed bleïn, as honnick eh e vec, as cloan e chlienney, eer kiare sheelogheyn.

Psalmyn 128:6

Nee yn Chiarn magh ass Sion myr shen oo y vannaghey: dy vaik oo Jerusalem ayns maynrys ooilley laghyn dty vea;

Noo Ean 11:3

Shen-y-fa hug ny shayraghyn echey fys huggey, gra, Hiarn, cur-my-ner, t’eshyn shynney lhiat ching.

Hebrewnee 11:21

Liorish credjue ren Jacob tra v’eh er y lhiabbee-vaaish, daa vac Yoseph y vannaghey; as hug eh ooashley, croymmey er kione e lorg.

Joshua 14:4

Son va cloan Yoseph daa hribe, Manasseh as Ephraim; agh cha dug ad ayrn erbee ’sy cheer da ny Leviteyn, er-lhimmey jeh ard-valjyn dy chummal ayndoo, lesh ny gleebyn va bentyn roo son nyn maase as son nyn gooid.