Genesis 47:9 - Yn Vible Casherick 1775 1819

⁹ As dooyrt Jacob rish Pharaoh, Ta laghyn bleeantyn my hroailtys shey-feed bleïn as jeih: giare as seaghnagh ta er ve laghyn bleeantyn my vea, as cha vel mee er roshtyn gys eash my henn-ayryn ayns laghyn nyn droailtys.

Genesis 47:9 ပူးပေါင်းရင်းမြစ်များ

Genesis 11:11

As va Shem bio lurg ruggyr Arphaxad queig cheead bleïn, as hooar eh mec as inneenyn.

Genesis 35:28

As va eash Isaac nuy-feed bleïn.

Genesis 47:28

As ren Jacob beaghey ayns cheer Egypt shiaght bleeaney jeig: myr shoh va slane eash Yacob shiaght-feed bleïn as shiaght.

Genesis 47:8

As dooyrt Pharaoh rish Jacob, Cre’n eash oo?

Genesis 5:27

As va slane eash Methuselah nuy cheead bleïn three-feed as nuy: as hooar eh baase.

Genesis 50:26

Myr shoh hooar Joseph baase, as va e eash queig-feed as jeih bleeaney: as ren ad yn corp echey ’spiceal, ad v’eh er ny choyrt ayns coffin ayns Egypt.

1 Recortyssyn 29:15

Son cha vel shin agh joarreeyn kiongoyrt rhyt, as troailtee myr va ooilley nyn ayraghyn; ta nyn laghyn er y thalloo myr scadoo, as cha vel tannaghtyn ayn.

Lioar Yob 14:1

Dooinney t’er ny ruggey jeh ben, t’eh giare-heihltagh, as lane dy hreihys.

Psalmyn 119:19

Ta mee my yoarree er y thalloo: O ny jean uss keiltyn voym dty annaghyn.

Psalmyn 119:54

Ta dty lattyssyn er ve my arraneyn: ayns thie my yoarreeaght.

Psalmyn 39:12

Tra t’ou uss ayns dty chorree smaghtaghey dooinney son peccah, t’ou coyrt er yn aalid echey goll mow, myr dy beagh eh garmad eeit lesh lhemeen: cha vel dy chooilley ghooinney er-y-fa shen agh fardail.

Psalmyn 39:13

Eaisht rish my phadjer, O Hiarn, as lesh dty chleayshyn cur geill da my accan: ny bee uss dty host ec my yheïr;

Psalmyn 39:5

Hiarn, cur toiggal dou jeh my yerrey, as earroo my laghyn: dy vod fys ve aym cre cha giare ta my vea.

Exodus 6:4

As ta mee myrgeddin er niartaghey my chonaant roosyn, dy derrin daue cheer Chanaan, cheer nyn droailtys, ayn v’ad nyn yoarreeyn.

Exodus 7:7

As va Moses kiare-feed bleïn dy eash, as Aaron kiare-feed as three, tra loayr ad rish Pharaoh.

2 Corinthianee 5:6

Myr shen ta shin dy kinjagh ayns cree, toiggal choud as ta shin ec y thie ayns y chorp, ta shin mooie veih’n Chiarn:

Deuteronomy 34:7

As va Moses shey-feed bleïn d’eash tra hooar eh baase; cha row e hooill moal, chamoo v’eh er choayl e lheihll.

Hebrewnee 13:14

Son ayns shoh cha vel ain ard-valley shickyr, agh ta shin jerkal rish shen ta ry-heet.

Jamys 4:14

Ayns wheesh as nagh vel fys eu cre vees er laa-ny-vairagh. Son cre ta nyn mea? Te dy jarroo myr gall ta ry-akin son shallid, as eisht lheïe ersooyl.

Joshua 24:29

As haink eh gy-kione lurg ny reddyn shoh, dy dooar Joshua mac Nun, sharvaant y Chiarn, baase, tra v’eh queig-feed as jeih bleeaney dy eash.

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;