Genesis 47:7 - Yn Vible Casherick 1775 1819

⁷ As hug Joseph lesh Jacob e ayr stiagh, as heb eh eh fenish Pharaoh: as ren Jacob Pharaoh y vannaghey.

Genesis 47:7 ပူးပေါင်းရင်းမြစ်များ

Genesis 14:19

As vannee eshyn eh, as dooyrt eh, Bannit dy row Abram liorish y Jee smoo syrjey, leshyn ta niau as thalloo.

Genesis 35:27

As haink Jacob gys Isaac e ayr gys Mamre, gys ard-valley Arbah [ta shen Hebron] raad va Abraham as Isaac cummal.

Genesis 47:10

As vannee Jacob Pharaoh, as hie eh magh veih fenish Pharaoh.

Genesis 47:8

As dooyrt Pharaoh rish Jacob, Cre’n eash oo?

2 Samuel 14:22

As chroym Joab lesh e eddin gys y thalloo, as ren eh biallys, as hug eh booise da’n ree: as dooyrt Joab, Jiu ta fys ec dty harvaant, dy vel mee er gheddyn foayr ayns dty hilley, my hiarn, O ree, ayns wheesh as dy vel y ree er chooilleeney aghin e harvaant.

2 Samuel 19:39

As hie ooilley’n pobble harrish Jordan, as tra va’n ree er gheddyn harrish, ren y ree paagey Barzillai, as vannee eh eh; as hyndaa eh gys e hie hene.

2 Samuel 8:10

Eisht hug Toi Joram e vac gys ree David, lesh bea as slaynt huggey, as dy ghoaill boggey mârish, son dy row eh er chaggey noi Hadadezer, as er varroo eh: (son va caggaghyn ec Hadadezer rish Toi:) as hug Joram lesh mârish siyn argid, as siyn airh, as siyn prashey:

1 Reeaghyn 1:47

As marish shen, haink sharvaantyn y ree dy vannaghey nyn jiarn ree David, gra, Dy jean Jee ennym Solomon ny s’ooasle na dty ennym’s, as dy jean eh yn stoyl-reeoil echeysyn ny s’troshey na’n stoyl-reeoil ayd’s: as chroym y ree eh hene er y lhiabbee, ooashlaghey.

1 Reeaghyn 8:66

Er yn hoghtoo laa lhig eh yn raad da’n pobble: as hug ad booise da’n ree, as hie ad rhymboo gys nyn gabbaneyn, gerjoilagh as lesh cree gennal, son ooilley’n vieys va’n Chiarn er hoilshaghey da David e harvaant, as da Israel e phobble.

2 Reeaghyn 4:29

Eisht dooyrt eh rish Gehazi, Kiangle seose dty veeghyn, as gow my lorg ayns dty laue, as immee royd: my veeitys oo dooinney erbee, ny loayr rish; as my nee dooinney erbee, ny loayr rish; as my nee dooinney erbee loayrt rhyt’s, ny fuirree dy choyrt ansoor da: as lhie my lorg er eddin y lhiannoo.

Exodus 12:32

Myrgeddin gow-jee nyn shioltaneyn as nyn shellooyn, myr ta shiu er ghra, as fow-jee reue; as bannee-jee mish myrgeddin.

Noo Mian 26:26

As myr v’ad gee, ghow Yeesey arran, as vannee eh as vrish eh eh, as hug eh eh da ny ostyllyn, gra, Gow-jee, ee-jee, shoh my chorp’s.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean-jee ayns cooinaghtyn jeem’s.

Joshua 14:13

As ren Joshua eh y vannaghey, as hug eh da Caleb mac Jephunneh, Hebron, son eiraght.

Joshua 22:6

Myr shoh ren Joshua ad y vannaghey, as hug eh ad ersooyl: as hie ad gys nyn gummallyn.

1 Peddyr 2:17

Cur-jee onnor da dy chooilley ghooinney. Bee-jee graihagh er ny braaraghyn [Creestee]. Gow-jee aggle roish Jee. Cur-jee onnor da’n ree.

1 Samuel 2:20

As ren Eli Elkanah as e ven y vannaghey, gra, Dy der y Chiarn dhyt sluight jeh’n ven shoh, son yn eeasaght t’ou er choyrt da’n Chiarn. As hie ad rhymboo gys nyn gummal hene.