Genesis 47:6 - Yn Vible Casherick 1775 1819

⁶ Ta cheer Egypt kiongoyrt rhyt, ayns yn ayrn share ’sy cheer, lhig da dt’ayr, as dty vraaraghyn cummal, ayns thalloo Ghoshen lhig daue cummal: as my shione dhyt deiney erbee aghtal ny mast’ oc, eisht soie ad son ard-vochillyn harrish y maase aym’s.

Genesis 47:6 ပူးပေါင်းရင်းမြစ်များ

Genesis 13:10

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.

Genesis 13:9

Nagh vel y slane cheer kiongoyrt rhyt? jean oo hene y scarrey, ta mee guee ort, voym’s: my nee uss goll gys y laue chiare, eisht hem’s lesh y laue yesh; er-nonney my hed uss gys y laue yesh, eisht hem’s lesh y laue chiare.

Genesis 20:15

As dooyrt Abimelech, Cur-my-ner, ta’n cheer aym’s kiongoyrt rhyt; gow dty chummal raad sailt.

Genesis 34:10

As nee shiu cummal mârin, as bee yn cheer eddyr shin: jean-jee baghey as dellal ayn, as gow-jee cummallyn diu hene.

Genesis 45:10

As nee oo cummal ayns thalloo Ghoshen, as bee oo er-gerrey dou, oo hene, as dty chloan, as cloan dty chlienney, as dty hioltaneyn, as dty immanyn, as ooilley ny t’ayd.

Genesis 46:34

Dy jir shiuish, Ta aght beaghee dty harvaantyn er ve mysh ollagh veih nyn aegid, eer derrey nish, chammah shinyn, as myrgeddin nyn ayraghyn: dy vod shiu beaghey ayns cheer Ghoshen; son ta dy chooilley vochill dwoaiagh ayns shilley ny Egyptianee.

Genesis 47:11

As hug Joseph ynnyd da e ayr as e vraaraghyn, as hug eh cummal daue ayns cheer Egypt, ayns yn ayrn share jeh’n cheer, ayns thalloo Rameses, myr va Pharaoh er n’oardaghey.

Genesis 47:16

As dooyrt Joseph, Cur-jee nyn maase, as ver-yms diu beaghey ayns coonrey, my ta’n argid baarit.

Genesis 47:4

Dooyrt ad ny sodjey rish Pharaoh, Dy chummal [son traa] ayns y cheer ta shin er jeet: son cha vel pastyr erbee ec dty harvaantyn son ny shioltaneyn oc, son ta’n ghortey trome ayns cheer Chanaan: nish er-y-fa shen, ta shin guee ort, lhig da dty harvaantyn cummal ayns thalloo Ghoshen.

Genesis 47:5

As loayr Pharaoh rish Joseph gra, Ta dt’ayr as dty vraaraghyn er jeet hood:

1 Reeaghyn 11:28

As va’n dooinney Jeroboam ny reih dooinney caggee: as Solomon fakin yn dooinney aeg dy row eh tarroogh, ren eh eh ny er-reill harrish ooilley errey thie Yoseph.

2 Recortyssyn 26:10

Hrog eh myrgeddin tooryn ’syn aasagh, as chleiy eh ymmodee chibbraghyn, son va mooarane maase echey, chammah ’sy cheer-injil, as ’sy cheer-rea: eirinnee neesht, as labreeyn gour ny biljyn-feeyney hoie eh ayns ny sleityn, as ayns Carmel: son va taitnys echey ayns obbyr thallooin.

Exodus 18:21

Myrgeddin jeeagh magh mastey ooilley’n pobble son deiney fondagh, ta goaill aggle roish Jee, deiney ynrick, dwoaiagh er saynt; nyn lheid oc shoh nee oo soiaghey harrystoo, dy ve son fir-reill er thousaneyn, as fir-reill er keeadyn, fir-reill er lieh-cheeadyn, as fir-reill er jeihghyn.

Exodus 18:25

As ren Moses deiney fondagh y reih trooid ooilley Israel, as ren eh ad king harrish y pobble, fir-reill er thousaneyn, fir-reill er keeadyn, fir-reill er lieh-cheeadyn, as fir-reill er jeihghyn.

Exodus 9:10

As ghow ad leoie yn choirrey, as hass ad fenish Pharaoh; as ren Moses shen y spreih seose ’syn aer: as haink eh dy ve ny askaid, brishey magh ayns mammyn, er dooinney as er baagh.

Exodus 9:21

Agh daag eshyn nagh dug geill da goo yn Chiarn e vooinjer as e vaase ’sy vagher.

Raaghyn Creeney 21:1

Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Raaghyn Creeney 22:29

Vel oo fakin dooinney jeidjagh ayns e obbyr? nee eh shassoo fenish reeaghyn, cha jean eh shirveish deiney donney.

Jeremiah 40:4

As nish, cur-my-ner, ta mee dy dty eaysley jiu veih ny geulaghyn ta er dty laueyn. My s’taittin lhiat goll mârym gys Babylon, tar royd, as bee’m dooie rhyt; agh mannagh by-haittin lhiat goll mârym gys Babylon, jean dty aigney hene: cur-my-ner, ta ooilley yn cheer shoh royd: raad erbee dy vaik oo mie as jesh dhyt hene, gow dty chummal ayns shen.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

1 Samuel 21:7

Nish va dooinney dy row jeh sharvaantyn Saul cooilleeney e vreearrey fenish y Chiarn er y laa cheddin, as va’n ennym echey Doeg, ny Edomite, mainshtyr bochillyn Saul.