Genesis 47:30 - Yn Vible Casherick 1775 1819

³⁰ Agh m’aigney eh dy lhie marish m’ayraghyn, as ver oo lhiat mee ass Egypt, as nee oo m’oanluckey ’sy ghrunt oanluckee ocsyn. As dooyrt eh, Nee’m myr t’ou er ghra.

Genesis 47:30 ပူးပေါင်းရင်းမြစ်များ

Genesis 15:15

As nee oo goll gys dty ayraghyn ayns shee: bee oo er dty oanluckey ayns shenn eash vie.

Genesis 23:17

As magher Ephron va ayns Machpelah, va liorish Mamre, yn magher as yn ooig v’ayn, as ooilley ny biljyn ayns y vagher, va soit mygeayrt-y-mysh, v’ad jeant shickyr,

Genesis 23:19

As lurg shoh ren Abraham goanluckey Sarah e ven, ayns ooig magher Machpelah, liorish Mamre: ta shen Hebron, ayns cheer Chanaan.

Genesis 25:10

’Sy vagher, ren Abraham y chionnaghey veih mec Heth: ayns shen va Abraham as Sarah e ven er nyn oanluckey.

Genesis 25:9

As ren ny mec echey Isaac as Ishmael eh y oanluckey, ayns lhiaght Machpelah, ayns magher Ephron mac Zohar yn Hittite, ta liorish Mamre;

Genesis 35:29

As hooar Isaac baase, as v’eh oanluckit marish e chynney, tra v’eh shenn, as er cheau eash vooar; as doanluck e vec Esau as Jacob eh.

Genesis 50:25

As ghow Joseph loo jeh cloan Israel, gra, Nee Jee son shickyrys jeeaghyn erriu, as ver shiu lhieu seose my chraueyn veih shoh.

2 Samuel 19:37

Lhig da dty harvaant, ta mee guee ort, chyndaa back reesht, dy voddym baase y gheddyn ayns my ard-valley hene, as ve oanluckit ayns oaie m’ayr as my voir: agh cur-my-ner dty harvaant Chimham, lhig dasyn goll harrish marish my hiarn y ree; as jean er e hon lurg dt’aigney hene.

2 Samuel 2:32

As hrog ad lhieu Asahel, as doanluck ad eh ayns oaie e ayrey, v’ayns Beth-lehem. As hie Joab as e gheiney fud-ny-hoie, as haink ad gys Hebron ec brishey’n laa.

1 Reeaghyn 13:22

Agh haink oo back, as t’ou er n’ee arran, as er n’iu ushtey ’syn ynnyd, ayn dooyrt y Chiarn rhyt, Ny ee veg yn arran, ny giu ushtey; cha bee dty chorp oanluckit ayns oaie dty ayraghyn.

Nehemiah 2:3

As dooyrt mee rish y ree, Dy row yn ree foddey beayn; kys oddym agh ve trimshagh, choud as ta’n ard-valley, ynnyd oanluckee my ayraghyn, ny lhie follym-faase, as ny giattyn eck stroit lesh aile?

Nehemiah 2:5

As dooyrt mee rish y ree, My s’gooidsave lesh y ree, as my ta dty harvaant er gheddyn foayr ayns dty hilley dy der oo mish gys Judah, gys ard-valley oanluckee my ayraghyn, dy voddym eh y hroggal.

Deuteronomy 31:16

As dooyrt y Chiarn rish Moses, Cur-my-ner, nee uss cadley marish dty ayraghyn, as nee’n pobble shoh girree magh, as geiyrt er maarderys [spyrrydoil] rish jeeghyn joarree y cheer, raad t’ad goll dy vaghey, as nee ad m’y hreigeil, as brishey my chonaant, ta mee er n’yannoo roo.