Genesis 47:23 - Yn Vible Casherick 1775 1819

²³ Eisht dooyrt Joseph rish y pobble, Cur-jee my-ner, ta mish jiu er chionnaghey shiu hene, as y thalloo eu da Pharaoh: Jeeagh-jee, shoh rass diu, as nee shiu cuirr y thalloo.

Genesis 47:23 ပူးပေါင်းရင်းမြစ်များ

Genesis 41:27

As ta ny shiaght booaghyn shang as graney, haink seose geiyrt orroo, shiaght bleeantyn: as bee ny shiaght jeeassyn follym fowanit lesh y gheay-niar, shiaght bleeantyn dy ghortey.

Genesis 45:6

Son y daa vleïn shoh ta’n ghortey er ny ve ’sy cheer: as foast ta queig bleeaney, ayndoo, cha bee traaue ny buinn.

Genesis 47:22

Agh thalloo ny saggyrtyn cha chionnee eh: son va beaghey ec ny saggyrtyn pointit daue liorish Pharaoh, as ren ad beaghey er yn ayrn hug Pharaoh daue; shen-y-fa cha chreck ad y thalloo ocsyn.

Genesis 47:24

As shoh myr vees eh, mychione y troar, dy der shiu yn wheiggoo ayrn da Pharaoh, as bee kiare ayrnyn lhieu hene, son rass dy chuirr, as son nyn meaghey hene, as son nyn mooinjer, as son beaghey da nyn gloan.

Psalmyn 112:5

Ta dooinney mie erreeishagh, as coyrt er eeasaght: as nee eh e ghlare y reill lesh tushtey.

Psalmyn 41:1

Bannit t’eshyn ta smooinaghtyn er y voght as yn ymmyrchagh: nee’n Chiarn eshyn y livrey ayns traa e heaghyn.

Raaghyn Creeney 11:26

Eshyn ta keiltyn e stoyr arroo, nee yn pobble gwee mollaght er: agh bee bannaght er y chione echeysyn ta dy chreck eh.

Raaghyn Creeney 12:11

Bee eshyn ta laboragh e halloo jeant magh lesh arran: agh eshyn ta taaghey marish stroialtee, t’eh laccal tushtey.

Raaghyn Creeney 13:23

Ta nyn saie beaghey ayns farrysthie ny boghtyn: agh ta fer ayn, ta goll mow son laccal tushtey.

Ecclesiastes 11:6

’Sy voghrey cuirr dty rass, as ec yn astyr ny lhaggee dty laue: son cha vel fys ayd quoi jeu nee bishaghey, edyr shoh ny shen; er-nonney bee ad ny-neesht co-laik mie.

Isaiah 55:10

Son myr ta’n fliaghey cheet neose, as y sniaghtey veih’n aer, as nagh vel ad chyndaa reesht gys shen, derrey t’ad er ushtaghey yn ooir, as coyrt er gymmyrkey mess as blaaghey, dy chur magh rass da’n chorreyder, as arran da’n eeder;

Noo Mian 24:45

Quoi eisht yn charvaant firrinagh as creeney shen, ta e Hiarn er n’yannoo ny er-reill er e vooinjer, dy chur daue nyn meaghey ayns traa cooie?

2 Corinthianee 9:10

Nish dy jean eshyn ta shirveish rass er y chorreyder, chammah shirveish arran son nyn meaghey, as bishaghey nyn arroo-correy, as cur er-ash mess yn feoiltys eu.)