Genesis 47:13 - Yn Vible Casherick 1775 1819

¹³ As haink yn arran dy ve feer ghoan ayns ooilley’n cheer: son va’n ghortey feer trome, myr shen dy row cheer Egypt, as ooilley cheer Chanaan goll naardey kyndagh rish y ghortey.

Genesis 47:13 ပူးပေါင်းရင်းမြစ်များ

Jannoo 7:11

Nish haink genney harrish ooilley cheer Egypt as Chanaan, as seaghyn mooar; as cha voddagh ny ayraghyn ain beaghey y gheddyn.

Dobberan 4:9

Adsyn t’er nyn marroo lesh y chliwe, t’ad ny share jeh, na adsyn ta goll dy baase lesh accyrys: son t’ad shoh shymley ersooyl, as goll eig ayns feme messyn y vagheragh.

Jeremiah 9:12

Quoi yn dooinney creeney oddys shoh y hoiggal; as quoi eh ta beeal y Chiarn er loayrt rish, dy vod eh shoh y hoilshaghey, cre’n-oyr ta’n cheer goll naardey, as dy vel eh losht seose myr faasagh, nagh vel unnane erbee goll ny hrooid?

1 Reeaghyn 18:5

As dooyrt Ahab rish Obadiah, Immee trooid y cheer, gys ooilley ny farraneyn ushtey, as gys ooilley ny strooanyn: foddee dy vow mayd faiyr dy hauail ny cabbil as ny muleyn bio, nagh gaill mayd ooilley’n maase.

Genesis 41:36

As bee’n beaghey shen son stoyr gys y cheer ry-hoi ny shiaght bleeantyn gonney, vees ayns cheer Egypt: nagh jed y cheer naardey liorish y ghenney.