Genesis 47:11 - Yn Vible Casherick 1775 1819

¹¹ As hug Joseph ynnyd da e ayr as e vraaraghyn, as hug eh cummal daue ayns cheer Egypt, ayns yn ayrn share jeh’n cheer, ayns thalloo Rameses, myr va Pharaoh er n’oardaghey.

Genesis 47:11 ပူးပေါင်းရင်းမြစ်များ

Genesis 46:34

Dy jir shiuish, Ta aght beaghee dty harvaantyn er ve mysh ollagh veih nyn aegid, eer derrey nish, chammah shinyn, as myrgeddin nyn ayraghyn: dy vod shiu beaghey ayns cheer Ghoshen; son ta dy chooilley vochill dwoaiagh ayns shilley ny Egyptianee.

Genesis 47:27

As ren Israel cummal ayns cheer Egypt, ayns thalloo Ghoshen; as va cummallyn oc ayn, as ghow ad toshiaght, as ren ad bishaghey erskyn towse.

Genesis 47:6

Ta cheer Egypt kiongoyrt rhyt, ayns yn ayrn share ’sy cheer, lhig da dt’ayr, as dty vraaraghyn cummal, ayns thalloo Ghoshen lhig daue cummal: as my shione dhyt deiney erbee aghtal ny mast’ oc, eisht soie ad son ard-vochillyn harrish y maase aym’s.

Exodus 1:11

Ren ad, er-y-fa shen, soiaghey harrystoo oaseiryn, dy reayll ad fo lesh erraghyn. As ren ad troggal da Pharaoh ard-valjyn gour tashtaghyn-caggee, Pithom as Rahamses.

Exodus 12:37

As ghow cloan Israel nyn yurnah veih Rameses gys Succoth, mysh shey cheead thousane coshee va deiney abyl, cheu-mooie jeh cloan.

Isaiah 22:24

As nee ad eshyn y choamrey lesh ooilley gloyr thie e ayrey, yn sheeloghe as yn sluight, ooilley ny siyn beggey, voish siyn-cappan eer gys siyn-podjal.

Earrooyn 33:3

As daag ad Rameses ’sy chied vee, er y wheiggoo laa yeig jeh’n chied vee: yn laa er-giyn lurg y chaisht, hie cloan Israel magh lesh laue ard, ayns shilley ooilley ny Egyptianee.

Noo Ean 10:10

Cha vel y maarliagh cheet agh dy gheid, as dy varroo as dy stroie: haink mish dy voddagh bea y ve oc, as dy voddagh eh y ve oc ayns mooarane palchey.

Noo Ean 10:28

As ta mee cur daue yn vea veayn, as cha jean ad dy bragh cherraghtyn, as cha n’ghow fer erbee ad ass my laue er niart.

Noo Ean 14:2

Ayns thie my Ayrey ta ymmodee ynnydyn-vaghee; dy beagh eh er aght elley, veign er n’insh diu: ta mee goll dy yannoo aarloo ynnyd er nyn son.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.