Genesis 47:1 - Yn Vible Casherick 1775 1819

¹ Eisht haink Joseph, as dinsh eh da Pharaoh, as dooyrt eh, Ta m’ayr as my vraaraghyn, as nyn shioltaneyn, as nyn immanyn, as ooilley ny t’oc, er jeet veih cheer Chanaan; as cur-my-ner, t’ad ayns thalloo Ghoshen.

Genesis 47:1 ပူးပေါင်းရင်းမြစ်များ

Genesis 45:10

As nee oo cummal ayns thalloo Ghoshen, as bee oo er-gerrey dou, oo hene, as dty chloan, as cloan dty chlienney, as dty hioltaneyn, as dty immanyn, as ooilley ny t’ayd.

Genesis 45:16

As va goo jeh shoh er ny chlashtyn ayns thie Pharaoh, gra, Ta braaraghyn Yoseph er jeet: as ve mie ayns shilley Pharaoh, as e harvaantyn.

Genesis 46:28

As hug eh Judah roish er chaghteraght gys Joseph, dy chur er y raad eh gys Goshen; as gys thalloo Ghoshen haink ad.

Genesis 46:31

As dooyrt Joseph rish e vraaraghyn, as rish lught-thie e ayrey Hem’s seose, as insh-ym da Pharaoh, as jir-ym rish, Ta my vraaraghyn, as lught-thie m’ayrey, v’ayns cheer Chanaan, er jeet hym’s.

Genesis 46:34

Dy jir shiuish, Ta aght beaghee dty harvaantyn er ve mysh ollagh veih nyn aegid, eer derrey nish, chammah shinyn, as myrgeddin nyn ayraghyn: dy vod shiu beaghey ayns cheer Ghoshen; son ta dy chooilley vochill dwoaiagh ayns shilley ny Egyptianee.

Exodus 8:22

As neem’s foayr y hoilshaghey er y laa shen da thalloo Ghoshen, ayn ta my phobble cummal, nagh bee veg ny swarmyn-beishteig ayns shen; dy vod fys ’ve ayd’s dy nee mish y Chiarn ayns ooilley’n seihll.

Exodus 9:26

Ny-lomarcan ayns cheer Ghoshen, raad va cloan Israel, cha row veg y sniaghtey-garroo.

Hebrewnee 2:11

Son ta chammah eshyn ta casherickey, as adsyn ta er nyn gasherickey, ooilley jeh’n un chynney: shen-y-fa cha gow eh nearey dy ghoaill roo son braaraghyn.