Genesis 45:6 - Yn Vible Casherick 1775 1819

⁶ Son y daa vleïn shoh ta’n ghortey er ny ve ’sy cheer: as foast ta queig bleeaney, ayndoo, cha bee traaue ny buinn.

Genesis 45:6 ပူးပေါင်းရင်းမြစ်များ

Genesis 37:2

Shoh coontey jeh kynneeyn Yacob, tra va Joseph shiaght bleeaney jeig dy eash, v’eh bochillagh y chioltane marish e vraaraghyn, as va’n scollag marish mec Bilhah, as mec Zilpah, mraane e ayrey; as dinsh Joseph da e ayr jeh’n drogh ghoo oc.

Genesis 41:35

As lhig daue chaglym ooilley beaghey ny bleeantyn mie shen ta ry-heet, as arroo y hashtey seose fo laue Pharaoh, as lhig daue beaghey y reayll ayns ny ard-valjyn.

Genesis 41:46

As va Joseph jeih bleeaney as feed dy eash, tra hass eh fenish Pharaoh ree Egypt; as hie Joseph magh veih fenish Pharaoh, as hie eh trooid ooilley cheer Egypt.

Genesis 41:53

As va ny shiaght bleeantyn dy phalchey v’ayns thalloo Egypt, harrish.

Genesis 41:54

As ghow ny shiaght bleeantyn dy ghortey toshiaght, myr va Joseph er ghra; as va’n ghenney ayns dy chooilley heer: agh ayns ooilley cheer Egypt va arran.

Genesis 41:56

As va’n ghortey harrish ooilley eaghtyr y thallooin; as doshil Joseph ooilley ny thieyn-tashtee, as chreck eh rish ny Egyptianee; as vishee’n ghortey dy trome ayns cheer Egypt.

Genesis 47:18

Tra va’n vleïn shen ec kione, haink ad huggey yn vleïn er-giyn, as dooyrt ad rish, Cha jean mayd keiltyn eh veih my hiarn, dy vel yn argid ain baarit; ta ny shioltaneyn ain myrgeddin ec my hiarn; cha vel monney faagit ayns shilley my hiarn, agh ny kirp ain, as y thalloo.

Genesis 47:23

Eisht dooyrt Joseph rish y pobble, Cur-jee my-ner, ta mish jiu er chionnaghey shiu hene, as y thalloo eu da Pharaoh: Jeeagh-jee, shoh rass diu, as nee shiu cuirr y thalloo.

Exodus 34:21

Shey laa nee oo gobbraghey, agh er y chiaghtoo laa gowee oo fea. Ayns yn niarragh, as ’syn ouyr, nee oo fea y ghoaill.

Isaiah 30:24

Nee ny dew myrgeddin, as ny assylyn aegey, ta traaue yn thalloo, gee arroo glen t’er ny ve fasnit lesh y chleayst as lesh y dollan-bennalt.

Deuteronomy 21:4

As ver shanstyr yn ard-valley shen lhieu sheese yn cholbagh gys glione reeastaneagh, nagh vel traaueit, ny cuirt, as ver ad y kione jeh’n cholbagh ayns shen ’sy ghlione.

1 Samuel 8:12

As nee eh goardrail da hene captanyn harrish thousaneyn, as captanyn harrish lieh-cheeadyn; as ver eh paart dy hraaue as dy chuirr e halloo, as dy vuinn e ouyr, as feallagh elley dy yannoo e ghreïnyn-caggee, as e ghreïnyn-fainee.