Genesis 45:5 - Yn Vible Casherick 1775 1819

⁵ Nish, er-y-fa shen, ny bee-jee seaghnit, ny corree riu hene, dy chreck shiu mish gys shoh: son Jee hug mish reue, dy hauail bioys.

Genesis 45:5 ပူးပေါင်းရင်းမြစ်များ

Genesis 37:28

Eisht va Midianiteyn goll shaghey, marchanyn; as hayrn ad, as hrog ad Joseph seose ass yn ooig, as chreck ad Joseph rish ny Ishmaeliteyn, son feed peesh dy argid: as hug adsyn lhieu Joseph gys Egypt.

Genesis 47:25

As dooyrt ad, T’ou er hauail nyn mioys: lhig dooin foayr y gheddyn ayns shilley my hiarn, as bee mayd sharvaantyn Pharaoh.

Genesis 50:19

As dooyrt Joseph roo, Ny gow-jee aggle: son vel mish ayns ynnyd Yee?

Genesis 50:20

Agh er ny son euish, ren shiu smooinaghtyn dy olk m’oï; agh chiare Jee eh son bannaght, dy chur lesh eh mygeayrt, myr te er y laa t’ayn jiu, dy hauail mooarane pobble bio.

Genesis 50:21

Nish er-y-fa shen, ny gow-jee aggle: neem’s shiuish as nyn gloan y veaghey: as ren eh ad y gherjaghey, as loayr eh dy dooie roo.

2 Samuel 12:12

Son ren uss shen gy-follit: agh neem’s y red shoh y yannoo ayns fakin ooilley Israel, as ayns soilshey’n ghrian.

2 Samuel 17:14

As dooyrt Absalom as ooilley deiney Israel, Ta coyrle Hushai yn Archite ny share na coyrle Ahitophel. Son veih’n Chiarn ve, dy chastey coyrle chreeney Ahitophel, dy chooilleeney er Absalom yn olk va’n Chiarn er chiarail n’oï.

Esther 4:14

Son my vees oo ooilley-cooidjagh dty host ec y traa shoh, eisht nee feaysley as livrey-ys da ny Hewnyn troggal veih boayl elley, agh bee uss as thie dty ayrey er nyn stroie: as quoi ec ta fys, nagh vel oo er jeet gys y reeriaght, cour lheid y traa shoh?

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

2 Corinthianee 2:11

Er-aggle dy voghe yn Noid-anmey vondeish orrin: son cha vel e chialgyn gyn-yss dooin.

2 Corinthianee 2:7

Myr shen dy bare diu er yn aght elley leih da, as gerjaghey eh, er-aggle dy beagh e lheid sluggit seose lesh rouyr trimshey.

Philemon 1:15

Son foddee dy daag eh oo son traa giare, dy voddagh oo eh y reayll mayrt choud as s’bio eh;

1 Samuel 1:19

As dirree ad seose dy moghey, as hug ad ooashley kiongoyrt rish y Chiarn, as hyndaa ad, as haink ad gys nyn dhie hene ayns Ramah: as ren Elkanah gerjaghey Hannah e ven, as chooinee’n Chiarn urree.