Genesis 45:2 - Yn Vible Casherick 1775 1819

² As cheayn eh dy ard; as cheayll ny Egyptianee eh, as thie Pharaoh.

Genesis 45:2 ပူးပေါင်းရင်းမြစ်များ

Genesis 42:24

As hyndaa eh eh-hene mygeayrt voue, as cheayn eh, as hyndaa eh huc reesht, as loayr eh roo, as ghow eh Simeon voue, as chiangle eh eh kiongoyrt rish nyn sooillyn.

Genesis 43:30

As ren Joseph siyr; son va’n cree echey lhieeney lesh graih jeean er e vraar: as yeeagh eh son boayl dy cheayney, as hie eh stiagh ayns e hiamyr, as hug eh raad da e yeïr ayns shen.

Genesis 45:14

As huitt eh er mwannal e vraar Benjamin, as cheayn eh; as cheayn Benjamin er y wannal echeysyn.

Genesis 45:15

Phaag eh myrgeddin ooilley e vraaraghyn, as cheayn eh mâroo: as ny lurg shen, ren e vraaraghyn taggloo rish.

Genesis 46:29

As hooar Joseph e ainagh aarloo, as hie eh seose quail Israel e ayr gys Goshen; as haink eh ’syn enish echey, as huitt eh er e wannal, as cheayn eh er e wannal, son tammylt mie.

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Earrooyn 14:1

Eisht ren y slane cheshaght troggal seose nyn goraa lesh jeïr, as ren y pobble dobberan yn oie shen.

Jannoo 20:37

As cheayn ad ooilley dy treih, lhie er mwannal Phaul as dy phaagey eh,

Ruth 1:9

Dy giall y Chiarn diu ny-neesht gerjagh y gheddyn ’sy thie ocsyn ta kiarit dy ve nyn sheshaghyn. Eisht phaag ee ad: as hrog ad seose nyn goraa, as ren ad keayney.