Genesis 45:18 - Yn Vible Casherick 1775 1819

¹⁸ As gow-jee mêriu nyn ayr, as nyn lught-thie, as tar-jee hym’s; as ver-yms diuish yn chooid share jeh thalloo Egypt, as nee shiu beaghey er meeaylys y thallooin.

Genesis 45:18 ပူးပေါင်းရင်းမြစ်များ

Genesis 27:28

Shen-y-fa, dy der Jee dhyt jeh druight yn aer, as meeaylys y thallooin, as palchey arran as feeyn.

Genesis 45:17

As dooyrt Pharaoh rish Joseph, Abbyr rish dty vraaraghyn, Shoh jean-jee; laad-jee ny beiyn eu, trog-jee erriu, as immee-jee gys cheer Chanaan.

Genesis 46:34

Dy jir shiuish, Ta aght beaghee dty harvaantyn er ve mysh ollagh veih nyn aegid, eer derrey nish, chammah shinyn, as myrgeddin nyn ayraghyn: dy vod shiu beaghey ayns cheer Ghoshen; son ta dy chooilley vochill dwoaiagh ayns shilley ny Egyptianee.

Genesis 47:6

Ta cheer Egypt kiongoyrt rhyt, ayns yn ayrn share ’sy cheer, lhig da dt’ayr, as dty vraaraghyn cummal, ayns thalloo Ghoshen lhig daue cummal: as my shione dhyt deiney erbee aghtal ny mast’ oc, eisht soie ad son ard-vochillyn harrish y maase aym’s.

Psalmyn 147:14

T’eh jannoo shee ayns dty ardjyn: as dy dty yannoo magh lesh flooyr curnaght.

Psalmyn 81:16

Veagh adsyn va dwoaie oc er y Chiarn er ny gheddyn nyn mreageryn: agh veagh y traa ocsyn er varraghtyn son dy bragh.

Isaiah 28:1

Smerg da’n attey dy voyrn, da meshtyllee Ephraim, ta’n aalid gloyroil oc ny vlaa fioghey, t’er kione ny coanyn mea ocsyn ta’n feeyn er ghoaill mainshtyraght orroo!

Isaiah 28:4

As bee yn aalid gloyroil ta er kione yn choan mea ny vlaa fioghey, as myr yn chied-vess appee toshiaght yn tourey: ta eshyn ta dy haglym jeeaghyn er as gee, choud as te foast ayns e laue.

Earrooyn 18:12

Ooilley’n chooid share jeh’n ooil, as ooilley’n chooid share jeh’n feeyn, as jeh’n churnaght, ny chied-vessyn jeu, nee ad chebbal gys y Chiarn, ad shen ta mee er choyrt dhyt.

Earrooyn 18:29

Ass ooilley ny giootyn eu nee shiu chebbal oural-troggit-seose y Chiarn, jeh ooilley’n chooid share jeu, ta shen, yn ayrn t’er ny chasherickey jeh.

Deuteronomy 32:14

Eeym ny baa, as bainney keyrragh, lesh meeaylys eayin, as reaghyn jeh dooghys Vashan, as goair, lesh flooyr y churnaght s’glenney, as ren oo giu fuill glen y smeyr-feeyney.