Genesis 45:10 - Yn Vible Casherick 1775 1819

¹⁰ As nee oo cummal ayns thalloo Ghoshen, as bee oo er-gerrey dou, oo hene, as dty chloan, as cloan dty chlienney, as dty hioltaneyn, as dty immanyn, as ooilley ny t’ayd.

Genesis 45:10 ပူးပေါင်းရင်းမြစ်များ

Genesis 46:34

Dy jir shiuish, Ta aght beaghee dty harvaantyn er ve mysh ollagh veih nyn aegid, eer derrey nish, chammah shinyn, as myrgeddin nyn ayraghyn: dy vod shiu beaghey ayns cheer Ghoshen; son ta dy chooilley vochill dwoaiagh ayns shilley ny Egyptianee.

Genesis 47:1

Eisht haink Joseph, as dinsh eh da Pharaoh, as dooyrt eh, Ta m’ayr as my vraaraghyn, as nyn shioltaneyn, as nyn immanyn, as ooilley ny t’oc, er jeet veih cheer Chanaan; as cur-my-ner, t’ad ayns thalloo Ghoshen.

Genesis 47:12

As ren Joseph magh e ayr, as e vraaraghyn, as ooilley lught-thie e ayrey, lesh arran, cordail rish nyn lught-thie.

Genesis 47:4

Dooyrt ad ny sodjey rish Pharaoh, Dy chummal [son traa] ayns y cheer ta shin er jeet: son cha vel pastyr erbee ec dty harvaantyn son ny shioltaneyn oc, son ta’n ghortey trome ayns cheer Chanaan: nish er-y-fa shen, ta shin guee ort, lhig da dty harvaantyn cummal ayns thalloo Ghoshen.

Genesis 47:6

Ta cheer Egypt kiongoyrt rhyt, ayns yn ayrn share ’sy cheer, lhig da dt’ayr, as dty vraaraghyn cummal, ayns thalloo Ghoshen lhig daue cummal: as my shione dhyt deiney erbee aghtal ny mast’ oc, eisht soie ad son ard-vochillyn harrish y maase aym’s.

Esther 10:3

Son va Mordecai yn Ew yn fer by-niessey da ree Ahasuerus, as ard mastey ny Hewnyn as soit jeh liorish earroo e chaarjyn, imneagh son maynrys e phobble, as cur er y hoshiaght shee ooilley e chynney.

Exodus 8:22

As neem’s foayr y hoilshaghey er y laa shen da thalloo Ghoshen, ayn ta my phobble cummal, nagh bee veg ny swarmyn-beishteig ayns shen; dy vod fys ’ve ayd’s dy nee mish y Chiarn ayns ooilley’n seihll.

Exodus 9:26

Ny-lomarcan ayns cheer Ghoshen, raad va cloan Israel, cha row veg y sniaghtey-garroo.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Jannoo 7:14

Eisht hug Joseph fys, as chuir eh yn ayr echey Jacob huggey, as ooilley e chynney, three-feed as queig anmeenyn jeig.