Genesis 43:9 - Yn Vible Casherick 1775 1819

⁹ Beem’s raane er e hon; jeh my laue’s nee oo y hirrey eh: mannagh der-yms lhiam hood eh, as soiaghey eh kiongoyrt rhyt, eisht lhig dooys yn oill y ymmyrkey son dy bragh.

Genesis 43:9 ပူးပေါင်းရင်းမြစ်များ

Genesis 31:39

Shen ny va raipit liorish beishtyn, cha dug mee lhiam hood: ghow mee yn coayl orrym pene; mish hass roish edyr eh ve geiddit ’sy laa, ny geiddit ’syn oie.

Genesis 42:37

As loayr Reuben rish e ayr, gra, Marr my ghaa vac, mannagh der-ym lhiam hood’s eh; cur fo my laue eh, as ver-ym lhiam hood eh reesht.

Genesis 43:10

Son er-be dy vel shin er lhiggey shaghey, oddagh shin son shickyrys, v’er jeet back nish yn nah cheayrt.

Genesis 9:5

As dy shickyr, son fuill nyn mioys shir-yms cooilleeney: jeh dy chooilley vaagh hir-yms eh; as veih laue dooinney, veih laue braar dagh dooinney; neem’s bioys dooinney y hirrey.

2 Samuel 14:9

As dooyrt y ven veih Tekoah rish y ree, My hiarn, O ree, orrym’s dy duitt kerraghey’n vee-chairys, as er thie m’ayrey; as lhig da’n ree as e stoyl-briwnys ve neu-chyndagh.

1 Reeaghyn 1:21

Er aght elley, hig eh gy-kione, tra nee my hiarn y ree cadley marish e ayraghyn, dy beem’s as my vac Solomon coontit myr noidyn.

Lioar Yob 17:3

Cur dou gioal nish, cur raane dou; quoi ghoys my laue ’sy chooish?

Psalmyn 119:122

Cur er dty harvaant dy ghoaill taitnys ayns shen ny ta mie: nagh jean ny mooaralee veg yn aggair dou.

Ezekiel 3:18

Tra ta mee gra rish y vee-chrauee, Ta baase son shickyrys dty chour; as mannagh der oo raaue da, chamoo loayrt, dy hyndaa yn vee-chrauee veih e ghrogh raad, dy hauail e vioys: yiow yn dooinney mee-chrauee cheddin baase ayns e vee-chraueeaght, agh yn uill echey neem’s geearree ec dty laue’s.

Ezekiel 3:20

Reesht, tra ta dooinney cairagh chyndaa veih e chairys, as cur-rish mee-chairys, as mish dy lhiggey da tuittym, yiow eh baase; er-yn-oyr nagh vel oo er chur raaue da, yiow eh baase ayns e pheccah, as e chairys t’eh er n’yannoo, cha bee eh er ny chooinaghtyn; agh yn uill echey neem’s y yeearree ec dty laue’s.

Ezekiel 33:6

Agh my hee-ys yn arreyder yn cliwe cheet, as gyn sheidey yn trumpet, as gyn raaue ’ve ec y pobble: my hig y cliwe, as goaill persoon erbee veih ny mast’ oc, ta eshyn goit ersooyl ayns e pheccah, agh yn uill echey nee’m y yeearree ec laue yn arreyder.

Ezekiel 33:8

Tra ta mee gra rish ny mee-chrauee, O ghooinney mee-chrauee, yiow uss dy shickyr baase; mannagh vel uss loayrt, dy chur raaue da’n dooinney mee-chrauee dy lhiasaghey e raad, yiow yn dooinney mee-chrauee shen baase ayns e vee-chairys; agh yn uill echey neem’s shirrey ec dty laue’s.

Noo Luke 11:50

Dy vod fuill ooilley ny phadeyryn, v’er ny gheayrtey er-dy hoshiaght y theihll v’er ny chooilleeney er y cheeloghe shoh;

Hebrewnee 7:22

Wheesh shen smoo va Yeesey jeant ny raane jeh conaant share.