Genesis 43:7 - Yn Vible Casherick 1775 1819

⁷ As dooyrt ad, Ren y dooinney briaght j’in dy gyere mychione nyn stayd, as mychione y kynney ain, gra, Vel nyn ayr foast bio? vel braar elley eu? as dinsh shin da cordail rish bree ny goan shoh; voddagh fys ve ain son shickyrys, dy niarragh eh, Cur-jee lhieu nyn mraar sheese.

Genesis 43:7 ပူးပေါင်းရင်းမြစ်များ

Genesis 43:3

As loayr Judah rish, gra, Ren y dooinney lesh breearrey shickyrys dooin, gra, Cha jean shiu my eddin y akin, mannagh bee nyn mraar mêriu.

Genesis 43:27

As dênee eh jeu mychione nyn slaynt, as dooyrt eh, Vel nyn ayr dy mie, yn chenn ghooinney mychione va shiu loayrt? vel eh foast bio?

Genesis 42:13

As dooyrt adsyn, Ta dty harvaantyn daa vraar jeig, mec un dooinney ayns cheer Chanaan: as cur-my-ner, ta’n er saa, ’sy tra t’ayn, marish nyn ayr, as ta fer nagh vel er-mayrn.

Genesis 43:6

As dooyrt Israel, Cre’n-fa ren shiu dellal cha olk rhym, as dy insh da’n dooinney dy row foast braar elley eu?

Genesis 44:19

Dênee my hiarn jeh e harvaantyn, gra, Vel ayr, ny braar eu?

Genesis 42:11

Ta shin ooilley mec un dooinney; she deiney ynrick shin; cha nee peeikearyn edyr dty harvaantyn.