Genesis 43:4 - Yn Vible Casherick 1775 1819

⁴ My lhiggys oo da nyn mraar goll mârin, hem mayd sheese, as kionnee mayd beaghey dhyt.

Genesis 43:4 ပူးပေါင်းရင်းမြစ်များ

Genesis 42:2

As dooyrt eh, Cur-my-ner, ta mee er chlashtyn, dy vel arroo ayns Egypt; gow-jee sheese gys shen, as kionnee-jee er nyn son veih shen, dy vod mayd ve bio, as nagh vow mayd baase.

Genesis 43:2

As haink eh gy-kione, tra v’ad er vaarail yn arroo hug ad lhieu veih Egypt, dooyrt nyn ayr roo, Gow-jee reesht, kionnee-jee dooin red beg dy veaghey.

Genesis 43:3

As loayr Judah rish, gra, Ren y dooinney lesh breearrey shickyrys dooin, gra, Cha jean shiu my eddin y akin, mannagh bee nyn mraar mêriu.

Genesis 43:5

Agh mannagh lhig oo da goll mârin, cha jed mayd sheese, son dooyrt y dooinney rooin, Cha jean shiu m’eddin y akin, mannagh bee nyn mraar mêriu.

Genesis 44:26

As dooyrt shin, Cha vod mayd goll sheese: my vees nyn mraar saa mârin, eisht hem mayd sheese: son cha vod mayd eddin y dooinney y akin, mannagh bee nyn mraar saa mârin.