Genesis 42:9 - Yn Vible Casherick 1775 1819

⁹ As chooinee Joseph er ny dreamallyn v’echey jeusyn, as dooyrt eh roo, She peeikearyn follit shiu: dy akin boghtynid y cheer ta shiu er jeet.

Genesis 42:9 ပူးပေါင်းရင်းမြစ်များ

Genesis 37:11

As ren e vraaraghyn troo mysh: agh smooinee e ayr dy dowin er y raa.

Genesis 42:16

Lhig da fer jiu goll, as nyn mraar y choyrt lesh, as bee shiuish freilt ayns pryssoon, dy vod ny goan eu ve er ny phrowal, vel firrinys erbee ayndoo: er-nonney, der bioys Pharaoh, she peeikearyn shiu.

Genesis 42:34

As cur-jee lhieu nyn mraar saa hym’s: eisht bee fys aym’s, nagh nee peeikearyn shiu, agh dy vel shiu deiney ynrick: myr shen livrey-yms hiu nyn mraar, as nee shiu dellal ’sy cheer.

2 Samuel 10:3

As dooyrt princeyn cloan Ammon rish Hanun nyn jiarn, Vel uss smooinaghtyn dy nee er graih dt’ayrey ta David er choyrt fir-gherjee hood’s? nagh nee son shoh t’eh er choyrt e harvaantyn hood, dy ghoaill baght jeh’n ard-valley, as dy scrial magh eh, er-chee dy stroie eh?

Exodus 32:35

As ghow’n Chiarn kerraghey er y pobble, er coontey’n jalloo hug ad er Aaron dy yannoo.

Earrooyn 13:2

Cur uss deiney, dy ghoaill baght jeh cheer Chanaan, ta mish dy choyrt da cloan Israel: ass dagh tribe jeh ny ayraghyn oc ver shiu magh dooinney, dagh fer ny ard leeideilagh ny mast’ oc.

Noo Luke 20:20

As va sooill oc er, as hug ad magh peeikearyn va dy lhiggey orroo dy ve deiney cairagh, er-chee tayrtyn eh ayns e ghlare, as myr shen dy livrey eh gys pooar as reill y chiannoort.

Hebrewnee 11:31

Liorish credjue ve, nagh ren yn ven-oast Rahab cherraghtyn mâroosyn nagh ren credjal, tra hug ee oltagh-bea da ny brialtee ayns shee.

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Joshua 6:23

As hie ny deiney aegey, ny brialtee, stiagh, as hug ad lhieu magh Rahab, as e ayr, as e moir, as e braaraghyn, as ooilley ny v’eck; as hug ad lhieu magh ooilley e kynney, as ren ad faagail ad cheu-mooie jeh camp Israel.

Briwnyn 1:24

As honnick ny scrialtee dooinney cheet ass yn ard-valley; as dooyrt ad rish, Jeeagh dooin, ta shin guee ort, yn raad sassey dy chosney stiagh ’syn ard-valley, as bee mayd foayroil dhyt’s.

1 Samuel 26:4

Hug David er-y-fa shen brialtee magh, as hooar eh fys son shickyrys dy row Saul er y raad.